Новы рэйтынг WTA: якія месцы ў Сабаленкі і Азаранкі

© AFP 2022 / PATRICK HAMILTONВікторыя Азаранка і Арына Сабаленка
Вікторыя Азаранка і Арына Сабаленка
 - Sputnik Беларусь, 1920, 25.04.2022
Падпісацца на
Yandex newsTelegram
Найбліжэйшы турнір з удзелам беларусак пройдзе ў Мадрыдзе з 28 красавіка па 7 мая. На грунтавыя корты выйдуць лепшыя тэнісісткі планеты, у тым ліку Вікторыя Азаранка і Арына Сабаленка, якая год таму станавілася чэмпіёнкай гэтых спаборніцтваў.
МІНСК, 25 кра - Sputnik. Беларуская тэнісістка Арына Сабаленка, якая прайграла ў нядзелю фінальны матч на турніры ў Штутгарце, засталася на чацвёртай пазіцыі ў жаночым сусветным рэйтынгу.
Нагадаем, беларуска ў фінале сустракалася з першай ракеткай свету полькай Ігай Свёнтэк і даволі лёгка аддала ёй тытул - 2:6 і 2:6.
У 2021 годзе Сабаленка таксама гуляла ў галоўным матчы турніру ў Штутгарце - тады яна саступіла Эшлі Барці.
У апошні час справы ў Арыны складаюцца не самым лепшым чынам. У лютым яна займала другі радок рэйтынгу, а затым з-за некалькіх паражэнняў на ранніх стадыях турніраў адкацілася на пятае месца.
На чацвёртым месцы яна знаходзіцца з 11 красавіка 2022 года, у яе актыве па-ранейшаму 4711 балаў. У выпадку пройгрышу на ранніх стадыях турніру ў Штутгарце Сабаленка адкацілася б на шосты радок.
На дадзены момант на пятым і шостым радках знаходзяцца грэчаская тэнісістка Марыя Сакары (4651 бал) і эстонка Анет Кантавейт (4511).
Першае месца займае Іга Свёнтэк (7181), а на другое ўзнялася іспанка Паула Бадоса (5045), якую Сабаленка абыграла ў паўфінале штутгарцкага турніру. Трэці радок – у чэшкі Барбары Крэйчыкавай (5043).
Вікторыя Азаранка, якая не ўдзельнічала ў турніры ў Штутгарце, узнялася з 18-га на 17-е месца з-за таго, што немка Анжаліка Кербер страціла дзве пазіцыі. Цяпер у беларускі 2281 бал.
Найбліжэйшы турнір з удзелам беларусак пройдзе ў Мадрыдзе з 28 красавіка па 7 мая. На грунтавыя корты выйдуць лепшыя тэнісісткі планеты, у тым ліку Вікторыя Азаранка і Арына Сабаленка, якая год таму станавілася чэмпіёнкай гэтых спаборніцтваў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларускіх тэнісістаў адхілілі ад удзелу ва Уімблдоне
Першая ракетка свету Барці аб'явіла аб завяршэнні кар'еры
Беларусь хоча праводзіць з Расіяй сумесныя спартыўныя спаборніцтвы
Стужка навiн
0