Военнослужащий на фоне поврежденного административного здания в Попасной - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Пуцін: Масква ведае па прозвішчах заходніх куратараў украінскіх спецслужб

© Sputnik / Михаил Климентьев / Перайсці ў фотабанкПрэзідэнт Расіі Уладзімір Пуцін
Прэзідэнт Расіі Уладзімір Пуцін
 - Sputnik Беларусь, 1920, 25.04.2022
Падпісацца на
Yandex newsTelegram
Па словах расійскага лідэра, заходнія куратары, хутчэй за ўсё, і даюць парады па падрыхтоўцы забойстваў расійскіх журналістаў.
МІНСК, 25 кра - Sputnik. Расійскія ўлады ведаюць па прозвішчах куратараў з заходніх спецслужб, якія працуюць з украінскімі органамі бяспекі, заявіў прэзідэнт Расіі Уладзімір Пуцін.
Сёння кіраўнік расійскай дзяржавы прымае ўдзел у пасяджэнні калегіі генеральнай пракуратуры Расійскай Федэрацыі.
"(…) па прозвішчы вядомыя куратары з заходніх службаў, найперш, вядома, з ЦРУ ЗША, якія працуюць з органамі бяспекі Украіны", заявіў Пуцін.
Прэзідэнт РФ таксама раскрытыкаваў еўрапейскую практыку, якая тычыцца правоў чалавека ў цэлым і правоў журналістаў у прыватнасці, заўважыўшы, што яна не пройдзе ў Расіі.
"Вось вам і стаўленне да правоў журналістаў, да распаўсюджвання інфармацыі. Гэта стаўленне да правоў чалавека ў цэлым: яны клапоцяцца толькі аб сваіх уласных правах - хтосьці зыходзячы са сваіх імперскіх амбіцый, а хтосьці па-старому зыходзячы са свайго каланіяльнага мінулага" , - сказаў Уладзімір Пуцін, падкрэсліўшы, што "ў Расіі гэта не пройдзе".

Збіраць матэрыялы для судоў над неанацыстамі

На паседжанні галоўнага нагляднага ведамства Пуцін даў распараджэнне пракурорам збіраць доказную базу для судоў па ўсіх злачынствах неанацыстаў і іх памагатых ва Украіне пачынаючы з дзяржаўнага перавароту ў 2014 годзе. Па ягоных словах, пракуроры павінны далучыцца да гэтай працы, якую ўжо вядуць следчыя. Пуцін падкрэсліў, што трэба фарміраваць доказную базу, якая будзе выкарыстоўвацца ў судовым следстве, а таксама судовых разглядах на міжнародным узроўні.
"Такая доказная база павінна назапашвацца па ўсіх злачынствах неанацыстаў і іх памагатых пачынаючы з дзяржаўнага перавароту ў Кіеве ў 2014 годзе, які і адкрыў дарогу грамадзянскай вайне, кровапраліццю і гвалту на Украіне", – сказаў Пуцін.

Пра фэйкі і экстрэмізм

Прэзідэнт Расіі запатрабаваў ад пракуратуры больш актыўна змагацца з экстрэмізмам, спыняць любое ўмяшанне ў справы Расіі звонку.
"Больш актыўна пракурорам неабходна змагацца і з экстрэмізмам, (...) рашуча спыняць любыя дзеянні, накіраваныя на ўмяшанне ва ўнутраныя справы Расіі звонку, на дэстабілізацыю нашага грамадства, распальванне ксенафобіі, ваяўнічага нацыяналізму, міжканфесійнай варожасці", - падкрэсліў Уладзімір Пуцін.
Паводле яго слоў, акрамя гэтага пракуроры павінны вельмі хутка рэагаваць на распаўсюджванне ў інтэрнеце радыкальнай ідэалогіі, фэйкаў, якія правакуюць парушэнне грамадскага парадку, падрыхтоўку незаконных акцый.

Пра бізнес

Аддаючы даручэнне пракурорам працаваць па ўмацаванні адзінай прававой прасторы, Пуцін адзначыў, што расійскаму і замежнаму бізнесу, які застаўся ў краіне, трэба даць спакойна працаваць ва ўмовах санкцый.
Паводле слоў Пуціна, найважнейшым напрамкам дзейнасці пракуратуры з'яўляецца забеспячэнне ўмацавання расійскай дзяржаўнасці". "Прашу за бягучымі, вельмі важнымі пытаннямі ніколі пра гэта не забывацца", - сказаў прэзідэнт.
Таксама ён адзначыў, што расійскаму бізнесу, а таксама замежным кампаніям, якія засталіся ў Расіі, трэба даць спакойна працаваць, засцерагшы ад празмернага кантролю.
"Трэба засцерагчы бізнес ад празмернага кантролю, неабгрунтаванага, непатрэбнага. Для гэтага ў вас ёсць усе неабходныя інструменты", – сказаў Пуцін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Захарава ацаніла ролю Беларусі ў мірных перагаворах Расіі з Украінай
Дыялог з Украінай працягваецца, але Кіеў неканструктыўны - Захарава
Пуцін распавёў, чаму распачата ваенная спецаперацыя на Украіне
Стужка навiн
0