Каля 180 супрацоўнікаў санаторыя "Беларусь" у Юрмале засталіся без працы

© Sanatorium BelorusijaСанаторый Belorusija
Санаторый Belorusija - Sputnik Беларусь, 1920, 26.04.2022
Падпісацца на
Yandex newsTelegram
Беларускай здраўніцы прыйшлося спыніць сваю працу праз тое, што ўлады Латвіі вырашылі замарозіць іх фінансавыя актывы.
МІНСК, 26 кра - Sputnik. З-за санкцыйных абмежаванняў супраць санаторыя "Беларусь" у латвійскім горадзе Юрмала амаль 180 супрацоўнікаў засталіся без працы, паведаміла дырэктар дзяржаўнага тураператара "Цэнтркурорт" Святлана Кончыц у эфіры тэлеканала СТБ.
Частка супрацоўнікаў, паводле яе слоў, ужо звольніліся па ўласным жаданні - у асноўным грамадзяне Латвіі. Работнікаў з Беларусі было няшмат - дырэктар санаторыя і яшчэ некалькі ўрачоў.
"На бягучы момант санаторый фактычна зачынены. Якая сітуацыя будзе ў сярэдзіне мая - таксама праблематычная, і не факт, што санаторый адкрыецца", - мяркуе Кончыц.
Дырэктар тураператара таксама расказала, што ў 2020 і 2021 гадах здраўніца прымала ў асноўным латышоў і гасцей з іншых краін Еўрасаюза, таму што ўезд для беларусаў быў забаронены.

Падобная гісторыя санаторыя ў Літве

У снежні 2020 года рахункі санаторыя "Беларусь", які размяшчаецца ў літоўскім Друскінінкаі, таксама аказаліся замарожаныя. Тлумачэнняў аб прычынах санкцый, паводле слоў кіраўніцтва, не было атрымана. Тады рашэнне аднаго са скандынаўскіх банкаў накласці арышт на рахункі санаторыя стала для лячэбна-прафілактычнай установы поўнай нечаканасцю.
У ліпені 2021 года банк разблакаваў рахункі санаторыя, якія былі замарожаны больш за паўгода з-за санкцый. Тады страты санаторыя з-за санкцыяў ацанілі ў мільёны еўра. З 8 ліпеня санаторый "Беларусь" у Друскінінкаі аднавіў сваю працу і прыняў першых адпачывальнікаў.
У пачатку красавіка ўлады Латвіі аб'явілі аб сваім рашэнні замарозіць фінансавыя актывы санаторыяў "Беларусь" і "Янтарны бераг" у Юрмале, якія належаць дзяржструктурам Беларусі і Расіі. У суд была накіравана адпаведная інфармацыя.
Пра тое, што "Беларусь" спыніла прыём і размяшчэнне ў сябе адпачывальнікаў, кіраўніцтва санаторыя паведаміла 21 красавіка.
Санаторый "Беларусь" належыць упраўленню справамі прэзідэнта Беларусі, а санаторый "Янтарны бераг" з'яўляецца філіялам "Аздараўленчага комплексу "Бор"" упраўлення справамі расійскага прэзідэнта.
Штогод здраўніца прымала вялікую колькасць дзяцей з Гомельскай, Магілёўскай і Брэсцкай абласцей, якія пацярпелі ад аварыі на Чарнобыльскай АЭС. Апроч дзяцей, у санаторый прыязджалі і ветэраны.
Чытайце таксама:
Санаторый "Беларусь" у Друскінінкаі прыняў на аздараўленне беларускіх дзяцей
Санаторый "Беларусь" у Друскінінкаі адновіць работу 8 ліпеня
Пасля адыходу Шэймана ў Літве разблакіравалі рахункі санаторыя "Беларусь"
Стужка навiн
0