Міжнародная федэрацыя хакея вырашыла перанесці ЧС-2023 з Санкт-Пецярбурга

© Sputnik / Михаил Мокрушин / Перайсці ў медыябанкПальчаткі і клюшкі хакеістаў
Пальчаткі і клюшкі хакеістаў
 - Sputnik Беларусь, 1920, 27.04.2022
Падпісацца на
НовостиTelegram
У якасці прычыны пераносу турніру ў IIHF назвалі меркаванні бяспекі ўсіх, хто мае дачыненне да спаборніцтваў - ад ігракоў да балельшчыкаў.
МІНСК, 27 кра - Sputnik. Савет Міжнароднай федэрацыі хакея (IIHF) вырашыў перанесці з Расіі чэмпіянат свету па хакеі 2023 года, паведамляецца на афіцыйным сайце IIHF.
Рашэнне аб пераносе месца правядзення турніру, які першапачаткова меркавалася правесці з 5 па 21 мая ў Санкт-Пецярбургу, было прынята ў аўторак, 26 красавіка, на паседжанні рады IIHF.
"Рашэнне аб пераносе мерапрыемства было прынята ў першую чаргу з меркаванняў бяспекі і дабрабыту ўсіх ігракоў, афіцыйных асоб, СМІ і балельшчыкаў", - гаворыцца ў заяве арганізацыі з гэтай нагоды.
Савет IIHF таксама выказаў занепакоенасць адносна бяспекі перамяшчэння ігракоў і афіцыйных асоб у Расію, з яе, а таксама на тэрыторыі краіны.
Краіну, якая прыме ЧС па хакеі 2023 года, вызначаць на штогадовым кангрэсе арганізацыі, які пройдзе ў апошні тыдзень ЧС па хакеі 2022 года ў Тэмперы (Фінляндыя).
Нагадаем, раней Савет IIHF адхіліў на нявызначаны тэрмін зборныя Расіі і Беларусі ад міжнародных спаборніцтваў, а таксама пазбавіў Омск і Новасібірск права правесці маладзёжны чэмпіянат свету 2023 года.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnuk:
Каляндар спартыўных мерапрыемстваў працягвае развальвацца
Рыжскае "Дынама" больш не будзе гуляць у КХЛ
Стужка навiн
0