Рэгістрацыя на ЦТ пачалася ў Беларусі

© Sputnik / Виктор ТолочкоАбітурыенты
Абітурыенты - Sputnik Беларусь, 1920, 02.05.2022
Падпісацца на
Yandex newsTelegram
Рэгістрацыя завершыцца 1 чэрвеня. Каб падаць заяву, абітурыент можа абраць адзін з двух прапанаваных варыянтаў.
МІНСК, 2 мая - Sputnik. У Беларусі з панядзелка, 2 мая, можна ўжо рэгістравацца на цэнтралізаванае тэсціраванне.
Зарэгістравацца можна некалькімі спосабамі. Так, можна асабіста наведаць для гэтага адну з устаноў адукацыі, якая вызначана пунктамі рэгістрацыі. Як правіла, гэта і ёсць пункты правядзення ЦТ. Альбо ж можна запоўніць электронную форму на сайце РІКВ.
Пасля аплаты абітурыенту трэба ў абавязковым парадку падысці ў прапанаваны пункт рэгістрацыі і асабіста забраць свой пропуск на экзамены па выбраных прадметах.
Тэрміны рэгістрацыі для праходжання ЦТ у рэзервовыя дні - 2-7 ліпеня.
Падаць заяву на ЦТ можна будзе цягам месяца, да 1 чэрвеня ўключна.

Графік ЦТ-2022

Першым экзаменам па традыцыі стане беларуская мова, ЦТ па гэтым прадмеце пройдзе 14 чэрвеня. Праз пару дзён пройдзе тэсціраванне па рускай мове - як правіла, самаму масаваму прадмету. Абітурыенты змогуць здаць яго 16 і 17 чэрвеня.
Наступным стане ЦТ па грамадазнаўстве (19 чэрвеня), затым пройдуць экзамены па матэматыцы (21 і 22 чэрвеня), біялогіі (24 чэрвеня), замежнай мове (26 чэрвеня), хіміі (28 чэрвеня), фізіцы (30 чэрвеня), гісторыі Беларусі ( 2 ліпеня), геаграфіі (4 ліпеня), сусветнай гісторыі (6 ліпеня).
Таксама вызначаны рэзервовыя дні правядзення ЦТ: беларуская і руская мова пройдуць 12 і 14 ліпеня, па астатніх прадметах - 12 і 16 ліпеня.

Дзе пройдзе ЦТ?

Таксама ўстаноўлены спіс адукацыйных устаноў у кожнай з абласцей і Мінску, дзе пройдуць тэсціраванні. Як правіла, гэта ўніверсітэты, больш за ўсё іх у сталіцы.
Пункты для здачы ЦТ будуць працаваць з 9 раніцы да 7 вечара, зарэгістравацца на праходжанне ЦТ у рэзервовыя дні можна будзе з 2 па 7 ліпеня. Час пачатку ЦТ у асноўныя і рэзервовыя дні - 11:00.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0