Лукашэнка распавёў, чаму лічыць непрымальнымі бчб-сцяг і герб "Пагоня"

© Photo : пресс-служба президента БеларусиПрэзідэнт Беларусі Аляксандр Лукашэнка ў Мінску 8 мая прыняў удзел ва ўрачыстым рытуале ўшанавання дзяржаўных сімвалаў
Прэзідэнт Беларусі Аляксандр Лукашэнка ў Мінску 8 мая прыняў удзел ва ўрачыстым рытуале ўшанавання дзяржаўных сімвалаў  - Sputnik Беларусь, 1920, 08.05.2022
Падпісацца на
Yandex newsTelegram
Кожны год у другую майскую нядзелю ў Беларусі святкуецца Дзень Дзяржаўнага герба і флага.
МІНСК, 8 мая – Sputnik. Беларускі лідар Аляксандр Лукашэнка падчас выступлення на плошчы Дзяржаўнага флага расказаў, чаму лічыць непрымальнымі ў якасці дзяржаўных сімвалаў бел-чырвона-белы сцяг і герб "Пагоня".
Ён падкрэсліў, што падчас пратэстаў у 2020 годзе Беларусь убачыла розныя колеры і сцягі ў гэты перыяд.
"З аднаго боку, гэта дрэнна, а з другога – добра, што ўбачылі гэтыя сцягі і хто за імі стаіць", - сказаў Лукашэнка.
© Photo : пресс-служба президента БеларусиУрачысты рытуал ушанавання дзяржаўных флага і герба на плошчы Дзяржаўнага флага з удзелам Прэзідэнта Беларусі Аляксандра Лукашэнкі
Торжественный ритуал чествования государственных флага и герба на площади Государственного флага с участием Президента Беларуси Александра Лукашенко - Sputnik Беларусь, 1920, 08.05.2022
Урачысты рытуал ушанавання дзяржаўных флага і герба на плошчы Дзяржаўнага флага з удзелам Прэзідэнта Беларусі Аляксандра Лукашэнкі

Аб дзяржаўнай сімволіцы

Паводле яго слоў, дзяржсімвалы з’яўляюцца ўвасабленнем суверэнітэту і нацыянальнага адзінства Беларусі.
"Яны народжаныя ў нетрах народнай культуры ў эпоху глабальных узрушэнняў і ломкі сусветнага парадку. З гэтымі сімваламі нарадзіліся і выраслі пакаленні людзей, звязаных гістарычнай памяццю, якія і сёння, у самыя вострыя перыяды дапамагаюць працягваць выбраны народам шлях, пераадольваючы нашы выклікі і перашкоды", - адзначыў беларускі лідар.
Асабліва ён звярнуў увагу на тое, што так было ў 1990-х, калі беларусы засталіся вернымі традыцыям, збераглі айчынныя прадпрыемствы, зямлю, а таксама права на сацыяльную справядлівасць, адхіліўшы спробы падагнаць свой уклад жыцця пад заходнееўрапейскі стандарт.
"Так было ў 2020-м, калі мы не далі гісторыі паўтарыцца, абараніўшы свой выбар, свае каштоўнасці, свае герб, сцяг і гімн. Памятаем, што наш дзяржаўны герб і сцяг стваралі людзі, адухоўленыя высокімі ідэямі, выпрабаваныя і загартаваныя ў барацьбе за свабоду. Людзі, якія добра ўсведамляюць каштоўнасць незалежнасці і чыстага мірнага неба", – дадаў Лукашэнка.

Пра бел-чырвона-белы сцяг

Адказаў прэзідэнт і на пытанне, чаму бел-чырвона-белы сцяг (бчб-сцяг) не з’яўляецца дзяржсімвалам.
"Яны (дзяржсімвалы – Sputnik) павінны адрозніваць нас з вамі ад іншых. Які быў прапанаваны герб? Пагоня. Вам ён не нагадвае герб іншай краіны? Мне нагадвае. Нам быў прапанаваны сцяг. Дадай яшчэ адну палоску – і мы запазычалі суседняй краіны сцяг", - растлумачыў ён.
Беларускі лідар адзначыў, што ў Беларусі ёсць свая гісторыя і падганяць яе пад Літву ці Польшчу не трэба.

Аб рэферэндуме

Лукашэнка падкрэсліў, што беларусы выбралі дзяржаўную сімволіку на рэферэндуме, таму "атожылкі калабарацыяністаў і здраднікаў" сёння не могуць змяніць гэтае рашэнне.
Паводле яго слоў, трэба жыць па законе і паважаць рашэнні, якія былі прыняты.
"Калі мы гэта не асвоім, не трэба сёння і змагацца за незалежнасць – нас змінуць, затопчуць і вытруць аб нас ногі. А рэферэндум – гэта вышэйшая воля народа, вышэйшы закон і яму трэба падпарадкоўвацца", - дадаў прэзідэнт.
Ён мяркуе, што дзеці і ўнукі з часам могуць нешта прыўнесці і змяніць у дзяржсімволіцы, падкрэсліўшы пры гэтым, што гэта можна будзе зрабіць выключна праз рэферэндум.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Святкаванне Дня Незалежнасці ў Мінску - Sputnik Беларусь, 1920, 07.01.2021
У золаце і срэбры: закон аб дзяржсімвалах Беларусі ўступіў у сілу
Стужка навiн
0