У Генштабе распавялі, як будуць супрацьстаяць пагрозе з боку НАТА

© Sputnik / Виктор ТолочкоСтрэльбішча
Стрэльбішча - Sputnik Беларусь, 1920, 11.05.2022
Падпісацца на
Yandex newsTelegram
Беларускія ваенныя прыцягнулі Сілы спецыяльных аперацый для забеспячэння бяспекі дзяржавы на паўднёвым напрамку.
МІНСК, 11 мая – Sputnik. У арміі Беларусі выпрацаваны цэлы комплекс мерапрыемстваў, накіраваных на супрацьдзеянне магчымым пагрозам, паведамілі ў прэс-службе Мінабароны.
Начальнік Генштаба генерал-маёр Віктар Гулевіч канстатаваў, што Злучаныя Штаты і іх сатэліты працягнулі павялічваць уласную ваенную прысутнасць каля беларускіх меж.
Паводле яго слоў, групоўка, якую яны разгарнулі ў рэгіёне, за апошнія паўгода павялічылася больш чым у 2 разы. У Міжземным і Балтыйскім морах з’явіліся сродкі дастаўкі ракет марскога і паветранага базіравання.
"Павелічэнне авіяцыйнай групоўкі ў краінах Польшчы і Балтыі сведчыць аб нарастаючай пагрозе для Рэспублікі Беларусь", - адзначыў начальнік Генштаба.
Пры гэтым ён звярнуў увагу, што на поўдні і паўднёвым усходзе Еўропы праходзяць вучэнні. У манеўрах "Абаронца Еўропы" будзе ўдзельнічаць каля 20 тысяч салдат з вялікай колькасцю тэхнікі. Усяго каля меж Беларусі плануецца правесці яшчэ 7 вучэнняў.
Віктар Гулевіч лічыць, што адпрацоўка прымянення дэсанта, разведчыкаў і дыверсантаў, гаворыць аб тым, што ні аб якой міралюбнай накіраванасці манеўраў не можа ісці і гаворкі.
"Зыходзячы з гэтага, ва Узброеных Сілах выпрацаваны цэлы комплекс мерапрыемстваў, накіраваных на супрацьдзеянне магчымым пагрозам", - запэўніў ён.
Пасля чаго ўдакладніў, што падчас другога этапа праверкі сіл неадкладнага рэагавання на заходнім і паўночна-заходнім напрамку будуць размешчаны батальённа-тактычныя групы.
"Для іх узмацнення вылучаюцца падраздзяленні супрацьпаветранай абароны, ракетных войск і артылерыі, якія будуць забяспечваць іх баявое функцыянаванне", - расказаў генерал-маёр.
У завяршэнне начальнік Генштаба папярэдзіў, што размяшчэнне Украінай групоўкі, якая налічвае 20 тысяч вайскоўцаў, на мяжы з рэспублікай запатрабуе рэакцыі ад беларускага боку.
"З мэтай забеспячэння бяспекі Рэспублікі Беларусь на Паўднёвым напрамку сілы падраздзяленняў сіл спецыяльных аперацый разгорнуты на трох тактычных напрамках", - падсумаваў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Другі этап раптоўнай праверкі сіл рэагавання арміі стартуе ў Беларусі
Новыя ракеты ўласнай вытворчасці выпрабуюць у Беларусі
Мінабароны аб’яўляе прызыў у тэрытарыяльныя войскі з запасу
Не павінны заспець знянацку: Лукашэнка паставіў задачу вайскоўцам
Не спрабуйце размаўляць з намі з пазіцыі сілы – Лукашэнка папярэдзіў НАТА
Стужка навiн
0