Лукашэнка вызваліў ад пасады пасла Беларусі ў Польшчы

© Sputnik / Виктор ТолочкоПісьмовы набор кіраўніка дзяржавы
Пісьмовы набор кіраўніка дзяржавы - Sputnik Беларусь, 1920, 14.05.2022
Падпісацца на
Yandex newsTelegram
Пасол Беларусі ў Польшчы быў адкліканы ў Мінск на кансультацыі яшчэ ў 2020 годзе, рэспубліку прадстаўляў часовы павераны.
МІНСК, 14 мая – Sputnik. Пасол Беларусі ў Польшчы Уладзімір Чушаў вызвалены ад пасады, адпаведны ўказ падпісаў прэзідэнт Аляксандр Лукашэнка.
Дакумент за нумарам 174 ад 13 мая апублікаваны на Нацыянальным прававым інтэрнет-партале ў суботу.
"У адпаведнасці з пунктам 20 артыкула 84 Канстытуцыі Рэспублікі Беларусь вызваліць Чушава Уладзіміра Мікалаевіча ад пасады Надзвычайнага і Паўнамоцнага Пасла Рэспублікі Беларусь у Рэспубліцы Польшчы", - гаворыцца ва ўказе.
На пасаду пасла Беларусі ў Польшчы Чушаў быў прызначаны ў 2019 годзе.

Гісторыя з пасламі

Нагадаем, што адносіны з шэрагам краін абвастрыліся ў 2020 годзе пасля прэзідэнцкіх выбараў у Беларусі, на якіх, паводле звестак ЦВК, перамог Аляксандр Лукашэнка.
У кастрычніку таго ж года "для кансультацый" з’ехаў польскі пасол Артур Міхальскі – гэтак жа, як і Уладзімір Чушаў. Больш беларускі пасол у Польшчу не вяртаўся, рэспубліку прадстаўляў павераны.
Адклікаць кіраўнікоў дыппрадстаўніцтваў для кансультацый і скараціць колькасць дыпламатаў МЗС Беларусі тады прапанавала таксама Літве, Германіі, Латвіі, Эстоніі, Чэхіі, Славакіі, Балгарыі, Румыніі і некаторым іншым краінам.
Сваіх паслоў з гэтых краін Мінск адклікаў для кансультацый. Як зазначылі ў МЗС, гэта звязана з "адкрыта дэструктыўнай дзейнасцю з боку гэтых краін".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Пасол Беларусі ў Польшчы пакуль не вернецца ў Варшаву
Расія чакае афіцыйных выбачэнняў ад Польшчы за інцыдэнт з паслом РФ
Макей выказаўся аб антыдзяржаўнай дзейнасці некаторых паслоў ЕС
Усе беларускія дыпламаты з'ехалі з Украіны - пасол
Румынія адклікала свайго пасла ў Беларусі
Стужка навiн
0