Расія адклікала кандыдатуру Масквы на права правядзення "ЭКСПА-2030"

© Sputnik / Максим Блинов / Перайсці ў медыябанкМасква
Масква - Sputnik Беларусь, 1920, 23.05.2022
Падпісацца на
НовостиTelegram
"ЭКСПА-2030" – гэта сусветная выстава, якая адбудзецца ў 2030 годзе. Заяўкі на яе правядзенне падалі Расія, Паўднёвая Карэя, Італія, Украіна і Саудаўская Аравія.
МІНСК, 23 мая – Sputnik. Расія вырашыла добраахвотна адмовіцца ад сваёй заяўкі на правядзенне ў Маскве выставы "ЭКСПА-2030", гаворыцца ў заяве расійскага знешнепалітычнага ведамства, яго тэкст апублікаваны на сайце міністэрства.
Як растлумачылі ў ведамстве, гэтае рашэнне звязана з тым, што ў існуючых цяпер умовах заяўка Масквы на правядзенне гэтай выставы не магла б разлічваць на справядлівую і непрадузятую ацэнку.
У МЗС таксама лічаць, што міжнародны выставачны рух, разам з іншымі сферамі супрацоўніцтва, стаў "чарговай ахвярай разгорнутай калектыўным Захадам маштабнай антырасійскай кампаніі".
Адпаведнае апавяшчэнне ўжо перададзена ў Міжнароднае бюро выставак у панядзелак 23 мая. У прыватнасці, расійскі прэм’ер Міхаіл Мішусцін накіраваў ліст генеральнаму дырэктару гэтай арганізацыі Дзмітрыю Керкентзэсу.
Як распавялі ў прэс-службе расійскага ўрада, у гэтым лісце названы прычыны такога рашэння.
Пры гэтым Расія працягвае спадзявацца, што ў будучым выставачны рух "вернецца да гістарычна вытокаў, калі ён займаўся непалітычнай і прыкладной дзейнасцю ў інтарэсах эканамічнага развіцця і ўмацавання міжнароднага гандлёва-эканамічнага супрацоўніцтва".

ЭКСПА-2030

Сусветная выстава, або "ЭКСПА", - гэта міжнародная выстава, якая з’яўляецца сімвалам індустрыялізацыі і адкрытай пляцоўкай для дэманстрацыі тэхнічных і тэхналагічных дасягненняў.
На правядзенне "ЭКСПА-2030" акрамя Расіі падалі заяўкі Паўднёвая Карэя, Італія, Украіна і Саудаўская Аравія. Расія прапаноўвала правесці гэтую выставу ў Маскве з 27 красавіка па 27 кастрычніка 2030 года з тэмай "Прагрэс чалавецтва: агульнае бачанне свету гармоніі".
Папярэдняя выстава "ЭКСПА-2020" не так даўно завяршылася ў Дубаі (ААЭ), яна праходзіла пад дэвізам "Аб’ядноўваючы розумы, ствараючы будучыню". Наступная Сусветная выстава пройдзе з 13 красавіка па 13 кастрычніка 2025 года ў японскім горадзе Осака.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Міжнародная выстава "Вясна ў Гомелі" сабрала бізнесменаў з 14 краін
МВФ зрабіў несуцяшальныя высновы аб стане сусветнай эканомікі
За першы дзень MILEX-2021 падпісаны кантракты на $20 млн
Стужка навiн
0