У Беларусі будзе створана народнае апалчэнне - міністр абароны

© Sputnik / Виктор ТолочкоМіністр абароны Беларусі Віктар Хрэнін
Міністр абароны Беларусі Віктар Хрэнін
 - Sputnik Беларусь, 1920, 27.05.2022
Падпісацца на
Yandex newsTelegram
Кіраўнік дзяржавы Аляксандр Лукашэнка напярэдадні правёў нараду па пытаннях забеспячэння ваеннай бяспекі і распарадзіўся стварыць у краіне новае аператыўнае камандаванне - на паўднёвым напрамку.
БАРЫСАЎ, 27 мая - Sputnik. Міністр абароны Віктар Хрэнін заявіў, што ў Беларусі будзе створана народнае апалчэнне, перадае карэспандэнт Sputnik.
"На ўчарашняй нарадзе ў рамках карэкціравання пытанняў удакладнення развіцця Узброеных сіл галоўнакамандуючы паставіў задачу ў тым ліку стварыць у краіне народнае апалчэнне. Гэта пытанне, мы бачым, сапраўды важнае. Самае галоўнае ёсць і людзі, і ўзбраенне", - паведаміў кіраўнік Мінабароны на штогадовым зборы "Ваенная бяспека і абарона дзяржавы" з кіраўнікамі абласцей.
Гэтыя пытанні, паводле слоў Хрэніна, трэба вызначыць заканадаўча. Ён дадаў, што такім чынам колькасць абаронцаў радзімы павялічыцца ў разы.
"Для нас гэта вельмі важна ў цяперашняй абстаноўцы, каб паказаць, што не трэба сунуцца, таму што адказ будзе адэкватны, калі нехта ўвойдзе на нашу тэрыторыю", - канстатаваў міністр абароны.
Гаворачы аб ваенных зборах з удзелам губернатараў абласцей, Віктар Хрэнін адзначыў, што яны ўжо сталі традыцыйнымі. Аб значнасці і актуальнасці тэрытарыяльнай абароны ў Беларусі гаворыць ваенна-палітычная абстаноўка, якая склалася каля краіны.

Нарада па ваеннай бяспецы

Кіраўнік дзяржавы Аляксандр Лукашэнка напярэдадні правёў нараду па пытаннях забеспячэння ваеннай бяспекі і распарадзіўся стварыць у краіне новае аператыўнае камандаванне - на паўднёвым напрамку. У рамках камандавання будзе створана паўднёвая групоўка войскаў.
Паводле слоў Лукашэнкі, рэспубліка будзе знаходзіцца пад пастаянным націскам з боку НАТА за кошт размешчаных на тэрыторыі Польшчы, Літвы, Латвіі войскаў, а таксама за кошт эскалацыі сітуацыі на ўкраінскай тэрыторыі. Таму ўлады ўжо вымушаныя адпрацоўваць пытанні абароны паўднёвых меж.

Што такое народнае апалчэнне?

Народнае апалчэнне - гэта па сутнасці войска, якое збіраецца ў дапамогу арміі на добраахвотных пачатках. Першае апалчэнне было створана ў 1611 годзе ў Маскве, каб пакласці канец польска-літоўскай інтэрвенцыі. У сучаснай праяве такія вайсковыя фармаванні стваралі ў ДНР падчас узброенага канфлікту ў 2014-2015 гадах. Пазней гэтыя войскі перайшлі ў падпарадкаванне створанаму міністэрству абароны Данецкай народнай рэспублікі, пасля чаго былі рэарганізаваны ў корпус узброеных сіл - гэта значыць рэгулярнай арміі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка раскрыў задуму НАТА ў дачыненні да Беларусі
Сітуацыя на Украіне здольна перарасці ў рэгіянальную вайну – Хрэнін
Пытанне ўдзелу АДКБ у ходзе спецаперацыі на Украіне не ставілася – Зась
Стужка навiн
0