Аўтапрабег Брэст-Севастопаль стартаваў у Брэсцкай крэпасці

© Sputnik / Светлана ЯценюкАўтапрабег Брэст-Севастопаль
Аўтапрабег Брэст-Севастопаль
 - Sputnik Беларусь, 1920, 02.06.2022
Падпісацца на
Yandex newsTelegram
Гэта другі этап міжнароднага праекта "Садружнасць", прысвечанага Дню Перамогі. У мінулым годзе ўдзельнікі аўтапрабегу пераадолелі шлях ад Брэста да Іркуцка і назад.
БРЭСТ, 2 чэр – Sputnik. У Мемарыяльным комплексе "Брэсцкая крэпасць-герой" сёння стартаваў аўтапрабег Брэст-Севастопаль, паведамляе Sputnik.
У аўтапрабегу бярэ ўдзел каманда з шасці чалавек. На трох аўтамабілях яны пераадолеюць адлегласць ад Брэста да Севастопаля. Удзельнікаў аўтапрабегу чакаюць сустрэчы ў шэрагу расійскіх гарадоў: Варонежы, Растове-на-Доне, Ейску, Керчы, Сімферопалі і іншых.
У канчатковы пункт - у Севастопаль - удзельнікі аўтапрабегу плануюць прыбыць 10 чэрвеня. Там у музей горада яны перададуць капсулу са свяшчэннай зямлёй Брэсцкай крэпасці.
Яшчэ адна важная падзея аўтапрабегу адбудзецца ў расійскім горадзе Ейск. Там перададуць капсулу з зямлёй з месца пахавання ўраджэнца Ейска, Героя Савецкага Саюза Сяргея Рамана, які 24 чэрвеня 1944 года ў Гомельскай вобласці паўтарыў подзвіг Аляксандра Матросава, закрыўшы сваім целам амбразуру варожага дзота.
Ёсць верагоднасць, што ўдзельнікі аўтапрабегу падоўжаць свой маршрут ад Севастопаля да Грознага. Зараз наконт гэтага вядуцца перагаворы.
© Sputnik / Светлана ЯценюкАвтопробег Брест-Севастополь
Автопробег Брест-Севастополь  - Sputnik Беларусь, 1920, 02.06.2022

Ад Брэста ў Іркуцк і назад

Летась, напярэдадні 9 мая, у аўтапрабег па маршруце Брэст-Іркуцк-Брэст ад сцен легендарнай Брэсцкай крэпасці адправіліся чатыры машыны з дзесяццю ўдзельнікамі. У цэлым - туды і назад - яны пераадолелі 15 тысяч кіламетраў.
У рамках аўтапрабегу, прысвечанага памяці аб подзвігу савецкага народа ў Вялікай Айчыннай вайне і гераічнай абароне Брэсцкай крэпасці, таксама была перададзена свяшчэнная зямля знакамітай цытадэлі - гораду Іркуцку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0