Цэны на Geely зніжаюцца: вытворца абвясціў аб зніжках

© Sputnik / Виктор ТолочкоБелДЖИ
БелДЖИ - Sputnik Беларусь, 1920, 02.06.2022
Падпісацца на
НовостиTelegram
Пасля таго, як прэзідэнт Беларусі Аляксандр Лукашэнка абурыўся коштамі на аўтамабілі Geely беларускай зборкі, вытворца знайшоў выйсце з сітуацыі, якая склалася.
МІНСК, 2 чэр – Sputnik. Беларускія дылеры Geely аб'явілі аб зніжэнні цэн на машыны, цяпер яны гатовы прапанаваць свае аўтамабілі з 15%-й зніжкай, такая інфармацыя размешчана на сайце беларуска-кітайскага прадпрыемства "БелДжы".
"З 1 чэрвеня нашы аўтамабілі можна набыць са зніжкай 15%. Падрабязнасці ў афіцыйных дылераў", – гаворыцца ў паведамленні вытворцы.
Адзначаецца, што адмысловая прапанова дзейнічае на ўвесь мадэльны рад, а таксама дзейнічае ўнікальная прапанова ва ўсёй дылерскай сетцы па праграме Trade-in на Geely Atlas PRO.

Прэзідэнт абураны

Моцна вырасшымі цэнамі на аўтамабілі вытворчасці беларуска-кітайскага прадпрыемства "БелДжы" быў абураны прэзідэнт Беларусі Аляксандр Лукашэнка ў ходзе нарады ў мінулы панядзелак. У прыватнасці было зададзенае пытанне кіраўніку КДК, чаму папулярны кросовер Geely Atlas Pro істотна дадаў у кошце.
"Ды ў вас кошты ў два разы выраслі. Вы ва ўрадзе гэта ведаеце? І вы што думаеце, народ будзе маўчаць? Вы мне зараз раскажаце: і лагістыка, і грошы не так, і гэта не так… Слухайце - ну не ў два ж разы!" - наракаў беларускі лідэр.
Тады Дзяржкантроль прааналізаваў фактычны сабекошт вытворчасці гэтых аўтамабіляў, выдаткі на дастаўку і на абслугоўванне інвестыцыйных крэдытаў, выдадзеных на ўзвядзенне гэтага завода. Прадстаўнікі камітэта здолелі выявіць незадзейнічаныя рэзервы.
У выніку завод "БелДжы" і Мінпрам правялі карэкціроўку кошту аўтамабіляў. Прэзідэнт паабяцаў і ў далейшым трымаць пытанне кошту гэтых аўтамабіляў на кантролі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Імпартазамяшчэнне павялічыла тавараабарот РФ і Беларусі - Грызлоў
Імпартазамяшчэнне на фоне санкцый: беларускія прадпрыемствы знайшлі выйсце
Мінпрам: ніводнае прадпрыемства не спынілася з-за праблем з камплектуючымі
Стужка навiн
0