https://bel.sputnik.by/20220609/krank-mak-vystup-suprats-adkhlennya-atleta-rf--belarus-ad-spaborntstva-1063435404.html
Кіраўнік МАК выступіў супраць адхілення атлетаў РФ і Беларусі ад спаборніцтваў
Кіраўнік МАК выступіў супраць адхілення атлетаў РФ і Беларусі ад спаборніцтваў
Sputnik Беларусь
Па словах Томаса Баха, не павінна быць ніякіх санкцый за тое, што ў кагосьці проста ёсць пашпарт пэўнай дзяржавы. 09.06.2022, Sputnik Беларусь
2022-06-09T08:58+0300
2022-06-09T08:58+0300
2022-06-09T09:16+0300
мак
томас бах
спорт
у свеце
санкцыі
https://cdnn11.img.sputnik.by/img/104317/44/1043174418_0:294:3077:2024_1920x0_80_0_0_6cd059aabd8e847afa05c7a894bf7693.jpg
МІНСК, 9 чэр – Sputnik. Прэзідэнт МАК Томас Бах звярнуўся з заклікам да міжнародных федэрацый не паддавацца націску ўрадаў сваіх краін у пытаннях аб допуску да спаборніцтваў спартсменаў з тых ці іншых дзяржаў.Між тым раней, у канцы лютага гэтага года, МАК рэкамендаваў міжнародным спартыўным федэрацыям не дапускаць расійскіх і беларускіх атлетаў да ўдзелу ў спаборніцтвах з-за распачатай РФ ваеннай спецаперацыі ва Украіне.Пры гэтым ён папярэдзіў, што калі ўрады, пераследуючы свае палітычныя інтарэсы, будуць вырашаць, каго можна дапускаць да міжнародных спаборніцтваў, а каго не, гарантаваць сумленныя спаборніцтвы будзе немагчымым."Калі дапусціце гэта, то сёння гэта Расія і Беларусь, а заўтра гэта будзе ваша краіна. У свеце няма краіны, якую любіў бы любы іншы ўрад", - заявіў Томас Бах.Паводле яго слоў, федэрацыі павінны самастойна рэагаваць на канфлікт РФ і Украіны, а інакш яны рызыкуюць стаць "палітычным інструментам".У сувязі з гэтым Томас Бах прывёў у прыклад дзеянні арганізатараў Уімблдонскага тэніснага турніру, якія паддаліся націску з боку ўлад Вялікабрытаніі і адхілілі ад удзелу ва Уімблдоне расіян і беларусаў."Паглядзіце на нашых калег у тэнісе: у Парыжы расіяне маглі гуляць як нейтральныя спартсмены, а ў Лондане мясцовы ўрад гаворыць "ні ў якім разе". Гэта супярэчыць усім прынцыпам, за якія мы выступаем" - сказаў кіраўнік Міжнароднага Алімпійскага камітэта.На "Ралан Гарос", які прайшоў з 22 мая па 5 чэрвеня, расійскім і беларускім тэнісістам было дазволена выступіць у рэжыме "строгага нейтралітэту".Адхілілі, каб абараніць ад агрэсііТомас Бах запэўніў, што спартсменаў РФ і Беларусі МАК рэкамендаваў адхіліць ад міжнародных спаборніцтваў толькі таму, што такім чынам хацеў абараніць іх ад агрэсіі, якая была праяўлена ў адносінах да іх у некаторых краінах.У якасці прыкладу ён таксама нагадаў аб тым, што на Сусветнай выставе "Экспа" адбыўся напад на расійскіх павільён, "а потым тыя, хто адказваў за бяспеку расійскага павільёна, напалі на іншыя"."Гэта не тое, што мы хочам убачыць на міжнародных спаборніцтвах", - заявіў кіраўнік МАК.Падводзячы вынік, ён тым не менш падкрэсліў, што санкцыі не павінны прымяняцца да спартсменаў толькі за тое, што яны з'яўляюцца грамадзянамі той ці іншай дзяржавы."Правы ўсіх, хто не падтрымлівае ваенныя дзеянні, павінны паважацца ў адпаведнасці з нашымі правіламі і міжнародным правам, не павінна быць ніякіх санкцый за тое, што ў кагосьці проста ёсць пашпарт пэўнай краіны", - сказаў Томас Бах.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьЧытайце таксама:
Sputnik Беларусь
media@sputniknews.com
+74956456601
MIA „Rossiya Segodnya“
2022
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
мак, томас бах, спорт, у свеце, санкцыі
мак, томас бах, спорт, у свеце, санкцыі
Кіраўнік МАК выступіў супраць адхілення атлетаў РФ і Беларусі ад спаборніцтваў
08:58 09.06.2022 (абноўлена: 09:16 09.06.2022) Па словах Томаса Баха, не павінна быць ніякіх санкцый за тое, што ў кагосьці проста ёсць пашпарт пэўнай дзяржавы.
МІНСК, 9 чэр – Sputnik. Прэзідэнт МАК Томас Бах звярнуўся з заклікам да міжнародных федэрацый не паддавацца націску ўрадаў сваіх краін у пытаннях аб допуску да спаборніцтваў спартсменаў з тых ці іншых дзяржаў.
Між тым раней, у канцы лютага гэтага года, МАК рэкамендаваў міжнародным спартыўным федэрацыям не дапускаць расійскіх і беларускіх атлетаў да ўдзелу ў спаборніцтвах з-за распачатай РФ ваеннай спецаперацыі ва Украіне.
"Трэба, каб урады паважалі нашу ролю. Калі мы паддадзімся, то мы зніклі", - сказаў кіраўнік МАК, выступаючы на генеральнай асамблеі Асацыяцыі летніх алімпійскіх міжнародных федэрацый (ASOIF) у Лазане ў сераду.
Пры гэтым ён папярэдзіў, што калі ўрады, пераследуючы свае палітычныя інтарэсы, будуць вырашаць, каго можна дапускаць да міжнародных спаборніцтваў, а каго не, гарантаваць сумленныя спаборніцтвы будзе немагчымым.
"Калі дапусціце гэта, то сёння гэта Расія і Беларусь, а заўтра гэта будзе ваша краіна. У свеце няма краіны, якую любіў бы любы іншы ўрад", - заявіў Томас Бах.
Паводле яго слоў, федэрацыі павінны самастойна рэагаваць на канфлікт РФ і Украіны, а інакш яны рызыкуюць стаць "палітычным інструментам".
У сувязі з гэтым Томас Бах прывёў у прыклад дзеянні арганізатараў Уімблдонскага тэніснага турніру, якія паддаліся націску з боку ўлад Вялікабрытаніі і адхілілі ад удзелу ва Уімблдоне расіян і беларусаў.
"Паглядзіце на нашых калег у тэнісе: у Парыжы расіяне маглі гуляць як нейтральныя спартсмены, а ў Лондане мясцовы ўрад гаворыць "ні ў якім разе". Гэта супярэчыць усім прынцыпам, за якія мы выступаем" - сказаў кіраўнік Міжнароднага Алімпійскага камітэта.
На "Ралан Гарос", які прайшоў з 22 мая па 5 чэрвеня, расійскім і беларускім тэнісістам было дазволена выступіць у рэжыме "строгага нейтралітэту".
Адхілілі, каб абараніць ад агрэсіі
Томас Бах запэўніў, што спартсменаў РФ і Беларусі МАК рэкамендаваў адхіліць ад міжнародных спаборніцтваў толькі таму, што такім чынам хацеў абараніць іх ад агрэсіі, якая была праяўлена ў адносінах да іх у некаторых краінах.
"У шэрагу краін была праяўлена агрэсія супраць расійскіх і беларускіх спартсменаў, і мы (МАК - Sputnik) не маглі гарантаваць іх бяспеку на міжнародных спаборніцтвах", - заявіў Томас Бах.
У якасці прыкладу ён таксама нагадаў аб тым, што на Сусветнай выставе "Экспа" адбыўся напад на расійскіх павільён, "а потым тыя, хто адказваў за бяспеку расійскага павільёна, напалі на іншыя".
"Гэта не тое, што мы хочам убачыць на міжнародных спаборніцтвах", - заявіў кіраўнік МАК.
Падводзячы вынік, ён тым не менш падкрэсліў, што санкцыі не павінны прымяняцца да спартсменаў толькі за тое, што яны з'яўляюцца грамадзянамі той ці іншай дзяржавы.
"Правы ўсіх, хто не падтрымлівае ваенныя дзеянні, павінны паважацца ў адпаведнасці з нашымі правіламі і міжнародным правам, не павінна быць ніякіх санкцый за тое, што ў кагосьці проста ёсць пашпарт пэўнай краіны", - сказаў Томас Бах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь Беларуская тэнісная федэрацыя падала апеляцыю ў Спартыўны суд
Як санкцыі Захаду
паўплывалі на беларускі спорт, распавялі ў Мінспорце
