Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Беларусь і Расія будуць працаваць над вытворчасцю электрамабіляў

© Sputnik / Антон Денисов / Перайсці ў медыябанкПраца заправачных станцый для электрамабіляў
Праца заправачных станцый для электрамабіляў
 - Sputnik Беларусь, 1920, 17.06.2022
Падпісацца на
НовостиTelegram
Краіны плануюць асвоіць выпуск літый-іённых батарэй і стварыць высокаэкалагічную вытворчасць для іх утылізацыі.
МІНСК, 17 чэр - Sputnik. Беларусь і Расія дасягнулі пэўных поспехаў у сферы электратранспарту і плануюць стварыць сумесныя вытворчасці, заявіў першы намеснік старшыні прэзідыума НАН Беларусі Сяргей Чыжык, перадае карэспандэнт Sputnik.

"Тут я вялікія надзеі звязваю з Расатамам, мы атрымалі адказ ад іх: будзем працаваць менавіта па засваенні назапашвальніка энергіі і закладваць вытворчасці. Магу вам нават адкрыць невялікі сакрэт: гэта ўтылізацыя літый-іённых батарэй. Гэта найскладанае пытанне. І электрамагнітная абарона - пра гэта пакуль мала гаворыцца, але гэта наш козыр", - сказаў ён у пятніцу на выставе ў Мінску, прысвечанай Дню электратранспарту.

Паводле яго слоў, Беларусь выдатна авалодала камп'ютарным дызайнам і стварэннем лічбавых двайнікоў электрамабіляў. З дапамогай камп'ютара можна правесці выпрабаванні і краш-тэсты, пазнаць слабыя месцы мадэлі.
"Вось гэтым мы авалодалі, і замовы выконваем праз лічбавыя двайнікі", - дадаў Чыжык.
Арганізатары на выставе прадставілі ўсе віды электратранспарту - ад легкавых электрамабіляў да электробусаў. Ёсць электраматацыклы, электраскутеры і элетравеласіпеды. У склад выставы таксама ўвайшлі новыя ўзоры электрагрузавіка, электрамінівэна, электраквадрацыкла, вырабленых на беларускіх прадпрыемствах.
Акрамя таго, наведвальнікам паказалі мікраэлектрамабіль.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларусь хоча абнуліць пошліны на рухавікі для БелАЗ і электрамабілі
Лукашэнка паабяцаў "дах" у стварэнні сеткі зарадак для электрамабіляў
Стужка навiн
0