Лукашэнка з’ездзіў на малую радзіму і паставіў задачу на ўраджай-2022
© Sputnik / Виталий Белоусов
/ Падпісацца
Кіраўнік дзяржавы пабываў на малой радзіме ў Александрыі, дзе знаходзяцца эксперыментальныя "прэзідэнцкія" палі – там вырошчваюць новыя культуры, у тым ліку азімы ячмень.
МІНСК, 20 чэр – Sputnik. Кіраўнік беларускай дзяржавы Аляксандр Лукашэнка паставіў задачу гаспадарнікам – сабраць у новым ураджаі 9-10 мільёнаў тон збожжавых.
Ён заявіў, што Беларусь сёння знаходзіцца ў зоне рызыкоўнага земляробства. Адна з праблем – кароткі прамежак часу ад пасева да ўборкі. Таму, лічыць беларускі лідар, трэба апрацоўваць тыя збожжавыя культуры, якія падыходзяць пад гэтыя ўмовы.
"Для таго, каб нам не парыцца, як заўсёды, па збожжавых каласавых, думаю, што нам трэба вярнуцца да больш сур’ёзнай апрацоўкі азімага ячменю", - адзначыў Лукашэнка, яго цытуе прэс-служба.
Паводле яго слоў, гэту культуру ўбіраюць раней за іншыя збожжавыя. Да таго ж яна дазваляе ў больш раннія тэрміны атрымліваць кармы для жывёл.
"Нам трэба якаснае добрае збожжа. Калі 10 млн т атрымаем – шчасце. На гэтых пасяўных плошчах, не скарачаючы аб’ёмы рапсу і іншых. Гэта значыць за кошт інтэнсіўнага вядзення гаспадаркі", - сказаў ён.
Зімавы ячмень – гэта цуд
Кіраўніку дзяржавы далажылі, што ў Беларусі на гэты момант пасеяна 61 тысяча гектараў гэтай культуры з 5 млн га раллі. На думку прэзідэнта, пакуль "гэта нішто".
"На першым этапе, я думаю, нам выйсці на 250-300 тысяч га ячменю", - канстатаваў прэзідэнт.
Ён дадаў, што дзякуючы гэтай культуры ў сельскай гаспадарцы можа адбыцца пераломны момант у плане насычэння жывёлагадоўлі якаснымі кармамі.
"Гэты год паказаў, што азімы ячмень – гэта цуд. (...) Я адназначна перакананы, што азімаму ячменю быць", - падкрэсліў Аляксандр Лукашэнка.
Праблемная Віцебшчына
Апрацоўка новых культур, на думку беларускага прэзідэнта, асабліва актуальная для Віцебскай вобласці і паўночных раёнаў Магілёўскага, Гродзенскага і Мінскага рэгіёнаў. Штогод там не самыя высокія паказчыкі па збожжы.
"Па Віцебску мы ўжо тысячу гадоў вядзем размову аб змяненні севазвароту, але ніводзін кіраўнік Віцебскай вобласці так і не вырашыў гэтую праблему. Апрацоўваць толькі травяністыя кармы… Ну зразумела, каго мы на траве вырасцім? Патрэбны канцэнтраты, камбікармы. А для гэтага патрэбны збожжавыя", - акцэнтаваў беларускі лідар.
Ён звярнуў увагу, што азімы ячмень – выхад са становішча для Віцебскай вобласці. Аднак вырошчваць гэтую культуру без тэхналогіі не атрымаецца.
Еўропа просіць: "Дайце рапсавы алей!"
Прэзідэнту таксама паказалі поле, дзе вырошчваецца рапс. Паводле слоў Лукашэнкі, гэта перспектыўная культура, якая мае вялікае значэнне для ўсёй беларускай сельскай гаспадаркі.
"Сёння нават у перыяд гэтых шалёных санкцый Еўропа просіць: "Дайце рапсавы алей!", - абазначыў ён і даў даручэнне: выходзіць на мільён тон ураджаю.
Ён упэўнены, што з пасяўнымі плошчамі і тэхналогіямі гэта рэальна. Цяпер у Беларусі штогод вырошчваюць больш за 700 тысяч тон рапсу, з якога робяць масла.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Прыватнікаў у беларускай сельскай гаспадарцы стала больш
Камбайны, мікрачыпы, насенне – чым цікава Беларусь Ніжняму Ноўгараду
Гэта сусветны ўзровень: Сямашка ацаніў сельскую гаспадарку Беларусі
ДНР зацікаўлена ў гандлі з Беларуссю – Пушылін
Улады расказалі, калі будзе запушчана агракарпарацыя БНБК
