Літва прапусціць праз сваю тэрыторыю ў Калінінград частку тавараў

© Sputnik / Виталий Тимкив / Перайсці ў медыябанкЦягнік
Цягнік - Sputnik Беларусь, 1920, 21.06.2022
Падпісацца
Літоўскі бок раней прыняў рашэнне спыніць транзіт некаторых санкцыйных тавараў у Калінінградскую вобласць па чыгунцы.
МІНСК, 21 чэр – Sputnik. Літоўскі бок гатоў прапусціць праз сваю тэрыторыю загружаныя да 17 чэрвеня тавары, паведаміў часовы павераны ў справах Расіі ў Літве Сяргей Рабаконь.
Па яго інфармацыі, улады краіны ўжо апавясцілі пра гэта расійскі бок. Яны гарантавалі, што гэты транзіт праз Літву будзе прапушчаны ў Калінінградскую вобласць.
"Тое, што яны паведамілі ў гэтай тэлеграме, зводзіцца да таго, што ўсё, што да 17-га чысла было загружана, усё праедзе", - сказаў расійскі дыпламат.
Нагадаем, што Літва прыняла рашэнне з 18 чэрвеня спыніць транзіт некаторых санкцыйных тавараў у Калінінград чыгункай. Пра гэта паведаміў на мінулым тыдні кіраўнік Калінінградскай вобласці Антон Аліханаў. Мясцовыя ўлады пры гэтым мяркуюць, што пасля абмежавання транзіту іх паромны комплекс справіцца з новымі грузамі.

Варожыя дзеянні

У панядзелак, 20 чэрвеня, у МЗС РФ выклікалі часовую павераную ў справах Літвы Віргінію Умбрасене. Ёй быў заяўлены пратэст у сувязі з сітуацыяй, якая склалася.
У расійскім ведамстве заявілі, што расцэньваюць меры Вільнюса як правакацыйныя, якія парушаюць міжнародна-прававыя абавязацельствы Літвы і адкрыта варожыя.
У ведамстве паведамілі, што калі грузавы транзіт у Калінінградскую вобласць найбліжэйшым часам не будзе адноўлены ў поўным аб’ёме, Расія пакідае за сабой права на дзеянні па абароне сваіх нацыянальных інтарэсаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Калінінград вырашыць праблему з дастаўкай грузаў у абход Літвы
Мішусцін: Расія і Беларусь разам справяцца з санкцыямі
Пуцін назваў цану санкцыям Захаду ў дачыненні да Расіі
Стужка навiн
0