Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Самы вялікі ў свеце Сцяг Перамогі перадалі ў Брэсцкую крэпасць

© Мэрия БрестаСамы вялікі ў свеце Сцяг Перамогі перадалі ў Брэсцкую крэпасць
Самы вялікі ў свеце Сцяг Перамогі перадалі ў Брэсцкую крэпасць - Sputnik Беларусь, 1920, 22.06.2022
Падпісацца на
Yandex newsTelegram
Сцяг быў разгорнуты на Паклоннай гары ў Маскве, пасля чаго ў рамках праекта "Непокоренные" пераадолеў больш за 1500 кіламетраў.
МІНСК, 22 чэр – Sputnik. У Брэсцкую крэпасць прывезлі самы вялікі ў свеце Сцяг Перамогі, пра гэта паведаміў мэр Брэста Аляксандр Рагачук.
"Завяршылася ўрачыстая цырымонія перадачы копіі Сцяга Перамогі на плошчы Цырыманіялаў мемарыяльнага комплексу "Брэсцкая крэпасць-герой", - паведаміў Рагачук у сваім Telegram-канале.
Перадача прайшла ў рамках праекта "Непокоренные". Раней яго ўдзельнікі разгарнулі самую вялікую ў свеце копію Сцяга Перамогі на Паклоннай гары ў Маскве.
За 10 дзён разам з удзельнікамі праекта палотнішча прайшло больш за 1500 кіламетраў і пабывала ў 11 гарадах вайсковай славы.
Па словах Рагачука, палатно з’яўляецца самым вялікім у свеце. Яго вага – 250 кілаграмаў, а плошча – 2022 квадратных метра.
Беларускі бок у сваю чаргу ўручыў кіраўніку праекта "Непокоренные" Уладзіміру Скрыпнічэнку капсулу з зямлёй Брэсцкай крэпасці.

Праект "Непокоренные"

Міжнародны праект "Непокоренные" накіраваны на развіццё грамадскай дыпламатыі і міжнацыянальнага супрацоўніцтва сярод моладзі краін СНД.
У гэтым годзе ён праводзіцца з 11 па 23 чэрвеня і праходзіць па маршруце Расія – Беларусь. Стартаваў ён у горад-героі Маскве, затым былі: горад воінскай славы Валакаламск, Нелідава, горад воінскай славы Ржэў, горад воінскай славы Вязьма, горад-герой Смаленск, Барысаў, Хатынь, горад-герой Мінск, Баранавічы, Брэст і, урэшце, Брэсцкая крэпасць-герой.
Удзел у ім бяруць 100 актывістаў маладзёжных, грамадскіх і валанцёрскіх арганізацый ва ўзросце ад 18 да 23 гадоў.
У рамках праекта праводзяцца лекцыі ад вядучых экспертаў па міжнародных адносінах, накіраваныя на развіццё маладзёжнай дыпламатыі ў Расіі і краінах СНД праз аб’яднанне моладзі тэмамі брацтва, адзінства народаў і агульнай перамогі ў Вялікай Айчыннай вайне.
Сярод тых, хто прайшоў адбор, - прадстаўнікі моладзі з Беларусі, Кыргызстана, Абхазіі, Таджыкістана, Узбекістана, Туркменістана, Прыднястроўя, Малдовы, ЛНР і ДНР, Венгрыі, Сербіі і КНР.
Пасля вяртання дадому ўдзельнікі перададуць назапашаныя веды і методыкі правядзення праектаў па захаванні гістарычнай памяці сваім равеснікам і малодшым таварышам у школах і ВНУ.
Міжнародны праект "Непокоренные" рэалізуе Міжнародны Ламаносаўскі Клуб пры падтрымцы Фонду Прэзідэнцкіх Грантаў, Федэральнага агенцтва па справах нацыянальнасцей, МЗС Расіі і Мінадукнавукі Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Самы вялікі ў свеце Сцяг Перамогі разгарнулі каля Кургана Славы - відэа
"Цягнік Памяці" аб’яднае Беларусь і Расію – відэа
Беларусі і Расіі патрэбны адзіны падручнік айчыннай гісторыі
Фотафакт: віцябчане выстройваліся ў чэргі да "Цягніка Перамогі"
Віцебск прапанаваў забраць савецкія помнікі ў Польшчы, Літве і Латвіі
Стужка навiн
0