Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Расія і Беларусь дасягнулі ўзорнага ўзроўню партнёрства - Пуцін

© Sputnik / Михаил Метцель / Перайсці ў фотабанкПрезидент РФ В. Путин поприветствовал участников IX Форума регионов России и Беларуси
Президент РФ В. Путин поприветствовал участников IX Форума регионов России и Беларуси - Sputnik Беларусь, 1920, 01.07.2022
Падпісацца на
Yandex newsTelegram
Расійскі лідэр падкрэсліў, што РФ і Беларусь прымнажаюць традыцыі моцнага сяброўства і ўзаемавыручкі.
МІНСК, 1 ліп - Sputnik. Прэзідэнт РФ Уладзімір Пуцін заявіў, што Беларусь і Расея дасягнулі ўзорнага ўзроўню партнёрства, лічыць прэзідэнт РФ Уладзімір Пуцін. Аб гэтым расійскі лідэр заявіў у відэазвароце ўдзельнікам IX Форуму рэгіёнаў, які гэтымі днямі праходзіць у Гродне.
Паводле слоў расійскага прэзідэнта, такія мерапрыемствы, як Форум рэгіёнаў, уносяць вялікі ўклад у развіццё супрацоўніцтва паміж Беларуссю і РФ, садзейнічаюць наладжванню прамых сувязей паміж прадстаўнікамі рэгіянальных і мясцовых органаў улады, дзелавой супольнасці, дзеячамі адукацыі, навукі і культуры дзвюх краін.
"Мы змаглі дасягнуць сапраўды ўзорнага ўзроўню стратэгічнага партнёрства і саюзніцтва, а Саюзная дзяржава з'яўляецца прыкладам па-сапраўднаму ўзаемавыгаднай і раўнапраўнай інтэграцыі", - сказаў Пуцін.
Расійскі лідэр нагадаў, што ў лістападзе 2021-га былі зацверджаны 28 саюзных праграм на 2021-2023 гады, якія павінны надаць дадатковы імпульс развіццю эканамічнай інтэграцыі дзвюх краін.
Паводле яго слоў, рэалізацыя праграм ідзе строга па графіку, ужо выкананы амаль 40 працэнтаў запланаваных мерапрыемстваў.
"Цяпер ужо вярстаюцца новыя саюзныя праграмы на наступны трохгадовы перыяд, пачынаючы з 2024 года. Усе гэтыя рашэнні накіраваны на стварэнне роўных эканамічных умоў у нашых краінах і фарміруюць надзейную базу для функцыянавання адзінага фінансавага, энергетычнага рынку і транспартнай прасторы, агульнай макраэканамічнай, тэхналагічнай, прамысловай, сельскагаспадарчай і лічбавай палітыкі", - сказаў Пуцін.
Расійскі лідэр падкрэсліў, што па назапашаных капіталаўкладаннях у беларускую эканоміку РФ утрымлівае першае месца (звыш чатырох мільярдаў долараў). Акрамя таго, у рэспубліцы працуюць каля дзвюх з паловай тысяч кампаній з расійскім удзелам.
Закрануў прэзідэнт РФ і пытанні, якія датычацца санкцый Захаду і палітычнага ціску.
"Беспрэцэдэнтны палітычны і санкцыйны ціск з боку так званага "калектыўнага Захаду" падштурхоўвае нас да таго, каб паскорыць аб'яднаўчыя працэсы. Бо разам прасцей мінімізаваць урон ад незаконных санкцый, якія прымаюцца, лягчэй асвойваць выпуск запатрабаванай прадукцыі, напрацоўваць новыя кампетэнцыі і пашыраць супрацоўніцтва з новымі краінамі", - адзначыў Пуцін.
Асаблівая ўвага накіравана на далейшае пашырэнне ўзаемадзеяння ў высокатэхналагічнай сферы. Акрамя таго, краіны будуць супрацоўнічаць па экспарце ўгнаенняў і харчавання, а для паставак беларускіх тавараў задзейнічаюць порт на Балтыцы.
Стужка навiн
0