Беларусь падала заяўку на ўступленне ў ШАС

© Фотохост-агентство sco-russia2020.ru / Перайсці ў медыябанкСовещание министров государств-членов ШОС
Совещание министров государств-членов ШОС - Sputnik Беларусь, 1920, 12.07.2022
Падпісацца на
НовостиTelegram
Зварот Мінска накіраваны ўсім краінам – членам Шанхайскай арганізацыі супрацоўніцтва, рашэнне аб пачатку працэдуры ўключэння рэспублікі ў ШАС можа быць прынята на саміце ў Самаркандзе.
МІНСК, 12 ліп – Sputnik. Беларусь падала заяўку на ўступленне ў Шанхайскую арганізацыю супрацоўніцтва, паведамілі ў МЗС Узбекістана, якое старшынствуе ў ШАС.
"Цяпер Беларусь падала заяўку (аб уступленні – Sputnik). Сёння гэты зварот Беларусі накіраваны краінам-членам", – паведаміў у панядзелак. в.а. кіраўніка ўзбекскага знешнепалітычнага ведамства Уладзімір Нораў падчас пасяджэння круглага стала ў Маскве.
Паводле яго слоў, пры прыняцці агульнага рашэння, на чарговым саміце арганізацыі, які запланаваны ў верасні ў Самаркандзе, будзе пакладзены пачатак працэдуры ўключэння Беларусі ў ШАС.
Пры гэтым прадстаўнік МЗС Узбекістана выказаў упэўненасць, што "так і будзе".

Беларусь і ШАС

Шанхайская арганізацыя супрацоўніцтва (ШАС) была створана 15 чэрвеня 2001 года ў Шанхаі (КНР). Яе членамі сталі Казахстан, Кітай, Кыргызстан, Расія, Таджыкістан, Узбекістан. Яна падтрымлівае кантакты з СНД і актыўна супрацоўнічае з АДКБ.
На сённяшні дзень Беларусь мае статус наглядальніка ў ШАС. Гэта дае магчымасць рэспубліцы прымаць удзел у пасяджэннях Савета кіраўнікоў урадаў краін-членаў арганізацыі, нарадах міністраў па знешнеэканамічнай і знешнегандлёвай дзейнасці. У пасяджэннях кіраўнікоў дзяржаў ШАС таксама бярэ ўдзел беларускі прэзідэнт Аляксандр Лукашэнка.
Беларусь таксама развівае ўзаемадзеянне ў ШАС у ваеннай сферы, па лініі антытэрарыстычных структур. Прадстаўнікі арганізацыі прыяжджаюць у Беларусь назіраць за выбарамі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0