Салдат-"тэрмінавік" загінуў падчас баявой падрыхтоўкі ў Беларусі

© Sputnik / Павел Львов / Перайсці ў фотабанкАрмейские берцы, архивное фото
Армейские берцы, архивное фото - Sputnik Беларусь, 1920, 22.07.2022
Падпісацца на
Yandex newsTelegram
Спецыялісты міністэрства абароны і прадстаўнікі праваахоўных органаў цяпер праводзяць праверку і ўстанаўліваюць прычыны здарэння.
МІНСК, 22 ліп – Sputnik. Салдат тэрміновай ваеннай службы аднаго з падраздзяленняў 11-й асобнай гвардзейскай мехбрыгады падчас выканання мерапрыемстваў баявой падрыхтоўкі атрымаў агнястрэльнае раненне, якое аказалася несумяшчальнае з жыццём, паведаміла прэс-служба Мінабароны.
Мінабароны рэспублікі выказалі спачуванні родным і блізкім.
У ведамстве адзначылі, што сваякам загінуўшага салдата акажуць неабходную дапамогу.

Інцыдэнты ў беларускім войску

Нагадаем, што ў лютым таксама вайсковец адной з частак Гарадзенскага гарнізона быў паранены і пазней памёр у шпіталі. Як тлумачылі ў Следчым камітэце, раненне было атрымана "ў выніку парушэння правілаў абыходжання са зброяй"
У верасні мінулага года салдат-"тэрмінавік" нанёс сабе смяротнае агнястрэльнае раненне падчас заняткаў па агнявой падрыхтоўцы – надзвычайнае здарэнне адбылося ў 72-м аб'яднаным навучальным цэнтры, размешчаным у Печах.
Да гэтага, у ліпені 2021 года, салдат пацярпеў падчас загарання бранятэхнікі на палігоне "Лепельскі". Яфрэйтар атрымаў апёкі і быў дастаўлены ў галоўны ваенны клінічны медыцынскі цэнтр у Менску.
Акрамя таго, было і некалькі суіцыдаў. У сакавіку 2021 года ў лесе Гомельскай вобласці было знойдзена цела афіцэра. Загінулы быў начальнікам службы супрацьпажарнай абароны і аварыйна-выратавальных работ адной з часцей Гомельскага гарнізона.
У студзені таго ж года паведамлялася аб тым, што суіцыд учыніў салдат тэрміновай службы вайсковай часці 7434 унутраных войскаў МУС Беларусі, якая забяспечвае ахову Беларускай АЭС.
Самыя цікавыя і важныя навіны шукайце ў нашым Telegram-канале.
Стужка навiн
0