Уступныя іспыты пачаліся ў беларускіх ВНУ

© Sputnik / Виктор ТолочкоАбитуриенты на ЦТ
Абитуриенты на ЦТ - Sputnik Беларусь, 1920, 25.07.2022
Падпісацца
Сёлета 50 ВНУ краіны збіраюцца залічыць больш за 53 тысячы студэнтаў, палова месцаў – бюджэтныя.
МІНСК, 25 ліп – Sputnik. Правядзенне ўнутраных уступных іспытаў стартуе сёння ў ВНУ Беларусі, паведамляе Sputnik.
У большасці ВНУ гэтыя іспыты працягнуцца да 2 жніўня.
Але ў некаторых універсітэтаў і свае тэрміны. Так, ва Універсітэце грамадзянскай абароны МНС унутраныя выпрабаванні для абітурыентаў завершацца 27 ліпеня, а на ваенным факультэце Гродзенскага дзяржаўнага ўніверсітэта імя Я.Купалы яны будуць доўжыцца два дні – з 27 па 28 ліпеня.
Уступныя іспыты на дзённую форму навучання па сельгасспецыяльнасцях пройдуць з 27 ліпеня па 2 жніўня, а на завочную – з 6 па 15 снежня. У большасці ВНУ залічэнне на бюджэт пройдзе па 4 жніўня, а ў Ваеннай акадэміі, Інстытуце пагранічнай службы, Універсітэце грамадзянскай абароны МНС і на ваенных факультэтах яно завяршыцца крыху раней – 29 ліпеня.
На "завочку" ў ВНУ сельгаспрофілю залічваць будуць па 20 снежня.
На платную форму навучання абітурыентаў будуць прымаць да 10 жніўня. А на завочную форму навучання ў ВНУ на сельскагаспадарчыя спецыяльнасці – да 20 снежня.
Будзе і дадатковы набор на бюджэт, які пройдзе з 5 па 7 жніўня. Інфармацыю аб наяўнасці вакантных месцаў можна будзе знайсці на сайтах саміх універсітэтаў.
Абітурыенты, якім не трэба здаваць унутраныя ўступныя іспыты, могуць падаць дакументы на платнае навучанне да 8 жніўня.
Скончыцца прыёмная кампанія ў ВНУ 10 жніўня – у апошні дзень залічэння платнікаў.
Самыя цікавыя і важныя навіны шукайце ў нашым Telegram-канале.
Стужка навiн
0