Пратасевіч дае паказанні ў судзе па справе аб спробе дзяржперавароту
11:25 11.08.2022 (абноўлена: 14:51 11.08.2022)
© Sputnik / Виктор Толочко
Падпісацца
Суд пачаўся на мінулым тыдні і спачатку павінен быў праходзіць за зачыненымі дзвярама, аднак затым яго вырашылі правесці ў адкрытым фармаце.
МІНСК, 11 жні – Sputnik. Для дачы паказанняў у якасці сведкі ў суд па справе аб спробе дзяржаўнага перавароту выкліканы Раман Пратасевіч, паведамляе карэспандэнт Sputnik з залы суда.
У судзе Пратасевіч у чацвер пачаў даваць паказанні.
"Мне Шчыгельскі (Дзмітрый Шчыгельскі, адзін з абвінавачаных па крымінальнай справе - Sputnik) паведаміў, што ёсць варыянт сілавога звяржэння ўлады ў Беларусі і запрасіў да ўдзелу ў зум-канферэнцыі", - заявіў Пратасевіч, адказваючы на пытанні пракурора.
Змоўшчыкі і Ціханоўская
Паводле яго слоў, Шчыгельскі быў перадатачным звяном паміж змоўшчыкамі і штабам Святланы Ціханоўскай.
"Калі штаб Ціханоўскай збіраецца ўдзельнічаць у сцэнарыі перавароту, то павінен знайсці фінансаванне. У першую чаргу – для вайсковых удзельнікаў змовы", - сказаў Пратасевіч.
Суд па справе аб спробе дзяржперавароту
© Sputnik / Тамара Беляева
Паводле яго слоў, нават планавалася сустрэча Ціханоўскай і змоўшчыкаў у Маскве, Стамбуле ці нейкім горадзе Еўропы.
"На іх (Юрыя Зянковіча і Дзмітрыя Шчыгельскага) погляд ніякім іншым спосабам уладу нельга было змяніць – маршы і хаджэнні ўжо праваліліся. І яны бачылі адзін варыянт звяржэння ўлады – сілавы, з удзелам вайскоўцаў", - сказаў Пратасевіч, адказваючы ў судзе на пытанні пракурора.
Пратасевіч таксама сказаў, што ён ведаў пра палітычныя амбіцыі Зянковіча падчас прэзідэнцкай кампаніі 2020 года, дзе ён выступаў як кандыдат ад партыі БНФ. Пратасевіч паведаміў, што з Зянковічам знаёмы з 2017 года, а са Шчыгельскім – з 2015 года.
Адказваючы на пытанне пракурора аб магчымай ролі Ціханоўскай у змове аб ваенным дзяржперавароце, Пратасевіч сказаў, што яе роля "дэталёва не абмяркоўвалася", але "яна павінна была быць асобай, якой бы далі прысягу ваенныя".
Паводле яго слоў, былі жорсткія ўмовы – гэта ўдзел у фінансаванні змовы.
"Ступень удзелу Ціханоўскай вызначалася грашыма", - сказаў Пратасевіч.
"У самога штаба Ціханаўскай грошай не было, таму я паспрабаваў прагаварыць з уладальнікам фонду BYSOL Андрэем Стрыжаком. Але ён сказаў, што такія вялікія грошы знайсці не ўдасца. Сказаў, што толькі можа дапамагчы з эвакуацыяй сямей ваеннаслужачых", - расказаў Пратасевіч, удакладніўшы, што гэтую інфармацыю давёў да Зянковіча.
Пратасевіч таксама паведаміў, што планавалася эвакуацыя каля 10-20 сямей вайскоўцаў.
Пытанні да Пратасевіча
Акрамя адвакатаў шэрага абвінавачаных, Пратасевічу задаў пытанні Зянковіч. Ён павіншаваў Пратасевіча з тым, што той на волі, успомніўшы, што апошні раз яны бачыліся ў Варшаве ў верасні 2020 года, у кавярні на плошчы "Трох крыжоў".
Таксама тры пытанні Пратасевічу задаў абвінавачаны Аляксандр Фядута.
Раман Пратасевіч у зале суда
© Sputnik / Тамара Беляева
У сувязі з тым, што, на думку пракурора, узніклі супярэчнасці ў паказаннях, якія Пратасевіч дае зараз і тых, што даваў на стадыі следства, да пытанняў зноў вярнуўся дзяржаўны абвінаваўца. Ён спытаў, ці казаў Пратасевічу Зянковіч аб асабістым фінансаванні сілавікоў.
"Я дакладную фармуліроўку не скажу, але, можа, гучала, што Юрый шукае фінансаванне, у тым ліку і са сваіх сродкаў", - сказаў Пратасевіч.
Як вынікае з пратакола допыту, следчаму Пратасевіч заявіў, што на адной з зум-канферэнцый абмяркоўвалася інфармацыя аб планах звяржэння ўлады з удзелам ваенных і розных радыкальных груп. Размова ішла аб удзелу "Атрадаў самаабароны" высокапастаўленых афіцэраў беларускай арміі.
Акрамя гэтага, на стадыі следства Пратасевіч даваў паказанні аб неабходнасці стварэння адзінай апазіцыйнай кааліцыі і таксама дакуменце, які было даручана падрыхтаваць Фядуце.
Па-ранейшаму пад хатнім арыштам
Пратасевіч сказаў, што ў яго мера стрымання ранейшая – дамашні арышт.
"Я пад кругласутачнай аховай", – сказаў ён Sputnik. На пытанне, калі скончыцца следства па ягонай крымінальнай справе, ён сказаў, што не ведае, але ўдакладніў, што ў лістападзе 2022 года будзе 18 месяцаў з пачатку следства.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
"Цішыня": Зянковіч распавёў суду аб плане забойства Лукашэнкі
Нечаканы паварот у справе аб змове: Зянковіч заключыў здзелку са следствам
Суд па справе аб спробе дзяржперавароту зрабілі адкрытым
