IBU плануе падоўжыць санкцыі ў дачыненні да біятланістаў Беларусі і Расіі

© Sputnik / Константин ЧалабовСпортсменка на дистанции масс-старта среди женщин
Спортсменка на дистанции масс-старта среди женщин - Sputnik Беларусь, 1920, 16.08.2022
Падпісацца на
НовостиTelegram
Розныя забароны ў дачыненні да расійскіх і беларускіх спартсменаў міжнародныя федэрацыі пачалі прымяняць пасля таго, як РФ пачала спецыяльную ваенную аперацыю на Украіне.
МІНСК, 16 жнів – Sputnik. Міжнародны саюз біятланістаў рэкамендаваў пакінуць у сіле адхіленне расійскіх і беларускіх спартсменаў ад міжнародных спаборніцтваў, паведамляецца на сайце IBU.
Рашэнне аб падаўжэнні забароны на ўдзел у кубкавых спаборніцтвах, чэмпіянатах свету і Еўропы, Алімпійскіх гульнях, калі яго прымуць на кангрэсе IBU, будзе тычыцца не толькі спартсменаў, але і афіцыйных асоб з Беларусі і Расіі.
Выканкам таксама рэкамендаваў членам кангрэса прадоўжыць прыпыненне членства Саюза біятланістаў Расіі і Беларускай федэрацыі біятлона да таго часу, "пакуль не будуць выкананы пэўныя ўмовы". Адно з іх – нацыянальныя федэрацыі павінны дыстанцыявацца ад спецаперацыі на Украіне і гарантаваць, што ніхто з іх афіцыйных асоб або спартсменаў не будзе прымаць удзел у ваенных дзеяннях. Кангрэс IBU адбудзецца ў Зальцбургу 15-18 верасня.
"Выканкам IBU будзе сачыць за выкананнем вышэйзгаданых умоў і можа часова адмяніць адхіленне, калі палічыць, што вышэйзгаданыя ўмовы былі выкананы", – гаворыцца ў прэс-рэлізе.
Міжнародны саюз біятланістаў папрасіў расійскую і беларускую федэрацыі адказаць на прапановы. Арганізацыі будуць мець права выступіць на кангрэсе IBU і давесці свой пункт гледжання.

Адхіленне спартсменаў

Санкцыі ў дачыненні да расійскіх і беларускіх спартсменаў міжнародныя федэрацыі пачалі прымяняць пасля таго, як Масква пачала спецыяльную ваенную аперацыю на Украіне. Атлетаў адхілілі ад афіцыйных спаборніцтваў у біятлоне, лыжах, канькабежным спорце, хакеі, сучасным пяцібор'і, лёгкай атлетыцы, рэгбі, шахматах і іншых відах спорту.
Спартсменам з Беларусі і Расіі не дазволілі выступіць на Параалімпіядзе ў Кітаі ў сакавіку гэтага года, а таксама забаранілі прымаць удзел у ЧЕ па летніх відах спорту ў Мюнхене і некаторых іншых турнірах.
Беларускія і расійскія атлеты, тым не менш, знайшлі выхад з сітуацыі і арганізавалі сумесныя спаборніцтвы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0