Пуцін і Макрон упершыню з мая правялі тэлефонную размову

© Sputnik / Михаил Климентьев / Перайсці ў медыябанкПрезидент РФ Владимир Путин и президент Франции Эммануэль Макрон
Президент РФ Владимир Путин и президент Франции Эммануэль Макрон  - Sputnik Беларусь, 1920, 19.08.2022
Падпісацца на
НовостиTelegram
У апошні раз прэзідэнты дзвюх краін стэлефаноўваліся амаль тры месяцы таму – 28 мая.
МІНСК, 19 жнів – Sputnik. Прэзідэнты Расіі і Францыі Уладзімір Пуцін і Эмануэль Макрон правялі тэлефонную размову, паведамілі ў прэс-службе Крамля.
Размова паміж двума лідэрамі адбылася па ініцыятыве французскага боку. У ходзе былі абмеркаваны розныя аспекты сітуацыі, якая склалася вакол Украіны.
"Уладзімір Пуцін, у прыватнасці, падкрэсліў, што сістэматычныя абстрэлы ўкраінскімі ваеннымі тэрыторыі Запарожскай атамнай электрастанцыі ствараюць небяспеку ўзнікнення маштабнай катастрофы, здольнай прывесці да радыяцыйнага заражэння шырокіх тэрыторый", – гаворыцца ў паведамленні.
Там таксама падкрэсліваецца, што кіраўнікі дзяржаў адзначылі неабходнасць накіравання на станцыю місіі МАГАТЭ, якая на месцы ацаніла б рэальную абстаноўку. Пры гэтым Пуцін пацвердзіў, што РФ гатова садзейнічаць інспектарам арганізацыі.
Расійскі прэзідэнт нагадаў свайму французскаму калегу аб запрашэнні экспертаў ААН і МКЧК наведаць следчы ізалятар у пасёлку Аленаўка, дзе ў выніку ракетнага ўдару ўкраінскіх вайскоўцаў загінула вялікая колькасць ваеннапалонных з ВСУ, якія знаходзіліся ў СІЗА.
Пуцін таксама расказаў Макрону аб рэалізацыі падпісанай 22 ліпеня ў Стамбуле здзелкі па вывазе ўкраінскага збожжа з партоў на Чорным моры і экспарту расійскіх прадуктаў і ўгнаенняў на рынкі свету.
Расейскі лідэр звярнуў увагу на ранейшую сітуацыю з захаваннем перашкод для экспарту з РФ. Гэта, паводле яго слоў, не садзейнічае выкананню задач па забеспячэнню глабальнай харчовай бяспекі.
Прэзідэнты дзвюх краін дамовіліся прадоўжыць кантакты па ўзнятых тэмах і іншых пытаннях.
Нагадаем, што ў апошні раз Пуцін і Макрон стэлефаноўваліся амаль тры месяцы таму – 28 мая.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0