Камандна-штабное вучэнне Узброеных сіл пачалося ў Беларусі

© Telegram / Министерство обороны Республики БеларусьВаенная тэхніка
Ваенная тэхніка - Sputnik Беларусь, 1920, 08.09.2022
Падпісацца на
НовостиTelegram
Органы ваеннага кіравання УС, а таксама іншых войск і воінскіх фарміраванняў краіны будуць вучыцца бесперапыннаму кіраванню сіламі і сродкамі пры выкананні задач па прызначэнні.
МІНСК, 8 вер – Sputnik. У чацвер у Беларусі пачалося камандна-штабное вучэнне Узброеных сіл краіны, паведамілі ў прэс-службе беларускага абароннага ведамства.
Як адзначылі ў Мінабароны, вучэнне праводзіцца ў адпаведнасці з планам падрыхтоўкі УС. Кіруе вучэннямі начальнік генштаба Узброеных сіл – першага намесніка міністра абароны.
Працягнецца яно да 14 верасня.
Мэта вучэння – навучыць органы ваеннага кіравання УС, а таксама іншых войск і воінскіх фарміраванняў краіны бесперапынна кіраваць сіламі і сродкамі пры выкананні задач па прызначэнні.
Вучэнне праходзіць на палігоне Брэсцкай вобласці, а таксама ў Мінскай і Віцебскай абласцях.
Як адзначылі ў міністэрстве, гэта вучэнне дазволіць на практыцы адпрацаваць вядзенне баявых дзеянняў па вызваленні часова захопленай тэрыторыі, аднаўленне кантролю над дзяржмяжой, авіяцыйную падтрымку войск і шмат іншага.
"Колькасць войск, якія ўдзельнічаюць у камандна-штабным вучэнні, узбраення і ваеннай тэхнікі, што прыцягваецца, не перавышае ўзровень, які падлягае абавязковаму апавяшчэнню ў адпаведнасці з Венскім дакументам 2011 года", - падкрэслілі ў Мінабароны.
Акрамя таго, Беларусь па ўласнай ініцыятыве запрасіла паназіраць за актыўнай фазай вучэння прадстаўнікоў ваенна-дыпламатычнага корпуса замежных краін, якія акрэдытаваны пры беларускім Мінабароны. Такім чынам краіна "дэманструе максімальную транспарэнтнасць перад міжнароднай супольнасцю, імкненне да ўмацавання рэгіянальнай бяспекі і пояса добрасуседства", лічаць у абаронным ведамстве.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Саюзная дзяржава нікому не пагражае - Савет бяспекі Беларусі
Беларусь аднавіла дзейнасць у сферы кантролю над узбраеннямі
Шайгу назваў Беларусь бліжэйшым сябрам і саюзнікам Расіі
Стужка навiн
0