Відэа

Партызанскі рух у гады вайны: рэдкія кадры з архіваў

Падпісацца на
НовостиTelegram
80 гадоў таму быў створаны беларускі штаб партызанскага руху, у гады Вялікай Айчыннай вайны падрыўная дзейнасць партызан у Беларусі набыла неверагодны размах. Глядзіце рэдкія архіўныя кадры 80-гадовай даўніны.
У 2022 годзе з моманту стварэння штаба беларускіх партызан спаўняецца 80 гадоў – ён быў утвораны 9 верасня 1942 года.
За гады вайны партызанскі рух на тэрыторыі Беларусі набыў агульнанародны характар. Калі да канца 1941 года ў шэрагах беларускіх партызан змагаліся 12 тысяч чалавек, то да канца вайны "народных мсціўцаў" было ўжо 374 тысячы.
"Акрамя мясцовага насельніцтва яшчэ адной крыніцай папаўнення кадраў для партызанскіх атрадаў сталі вайскоўцы Чырвонай Арміі, якія апынуўшыся ў акружэнні, выйсці з яго не змаглі, або трапіўшы ў палон, беглі з канцлагераў і вынікаючы прысязе, не складалі рукі, а спрабавалі пераходзіць у партызанскую вайну ", - распавёў кандыдат гістарычных навук Аляксандр Кісялёў.
Беларускія лясы, рэкі, азёры і балоты ўскладнялі акупантам карныя меры супраць партызан. Як выглядаў сапраўдны партызанскі лагер, можна ўбачыць і сёння – у вёсцы Каробчыцы пад Гродна дзейнічае ўнікальны гісторыка-культурны комплекс "Гродзенская крэпасць. Партызанскі лагер", ініцыятарамі стварэння якога сталі ветэраны партызанскага руху.
У самым пачатку вайны разрозненым партызанскім атрадам вельмі не хапала зброі і агульнай каардынацыі, з моманту фарміравання партызанскі штаб стаў забяспечваць атрады ўсім неабходным – зброяй, харчаваннем і сувяззю, а таксама каардынаваць іх падрыўную дзейнасць.
Напрыклад, беларускія партызаны з поспехам перашкаджалі падвозу нямецкіх падмацаванняў да фронту. За гады барацьбы партызанамі на тэрыторыі Беларусі было ўзарвана больш за 300 тысяч рэек, партызаны ў Беларусі пусцілі пад адхон больш за 18 тысяч нямецкіх эшалонаў з ваўскоўцамі і баявой тэхнікай.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Кнігу аб партызанскім руху ў гады ВАВ у Беларусі і РФ прэзентавалі ў Брэсце
Гісторыя, насычаная крывёй: партызанская вайна ля мяжы з Польшчай
Як хлапчук-партызан Ваня Сакольчык стаў героем сацпрацы СССР
Стужка навiн
0