Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Беларусь падтрымае Расію збоку і з флангаў – Лукашэнка

© Photo : пресс-служба президента БеларусиПрэзідэнт Беларусі Аляксандр Лукашэнка ў ходзе сустрэчы з дзяржсакратаром Савета бяспекі Аляксандрам Вальфовічам
Прэзідэнт Беларусі Аляксандр Лукашэнка ў ходзе сустрэчы з дзяржсакратаром Савета бяспекі Аляксандрам Вальфовічам - Sputnik Беларусь, 1920, 20.09.2022
Падпісацца на
НовостиTelegram
Саюзніцкія абавязацельствы маюць на ўвазе, што рэспубліка не дапусціць удару па расійскіх войсках праз уласную тэрыторыю.
МІНСК, 20 вер – Sputnik. Разам з Расіяй мы стварылі абаронную прастору, у нас агульныя ўзброеныя сілы фактычна, заявіў у Палацы незалежнасці прэзідэнт Беларусі Аляксандр Лукашэнка ў ходзе сустрэчы з дзяржсакратаром Савета бяспекі Аляксандрам Вальфовічам.
Паводле яго слоў, раней абароннае ведамства, як і ўсе сілавыя структуры Беларусі атрымалі даручэнне прапрацаваць дзеянні на ўкраінскай мяжы, улічваючы вопыт, атрыманы пасля пачатку спецыяльнай ваеннай аперацыі.

Удару ў спіну не будзе

"У нас там вопыт быў супрацьдзеяння пэўны, у тым ліку стварэння батальённых тактычных груп, прыкрыцця мяжы. Якая зараз сітуацыя і як мы далей там будзем дзейнічаць?" - цытуе прэзідэнта прэс-служба кіраўніка дзяржавы.
Пры гэтым ён звярнуў увагу, што трэба думаць і аб прыкрыцці беларускай мяжы на поўночы і захадзе рэспублікі. Гэта трэба зрабіць там, дзе ёсць рэальная пагроза. Дадзенае пытанне застаецца найважнейшым для арміі.
Беларускі лідар заклікаў не вылучаць прэтэнзіі ў адрас нашай краіны, нібыта мы плануем ваяваць на ўкраінскай тэрыторыі, таму што перад намі толькі стаіць задача абараніць уласную краіну.
"І што датычыцца падтрымкі Расіі, яшчэ раз пацвярджаю: праз Беларусь ніякага ўдару ў спіну, у бок, збоку, з флангаў па расійскіх войсках быць не павінна. І не будзе. У гэтым наша абавязацельства перад нашым саюзнікам", - запэўніў Аляксандр Лукашэнка.

Адкрытая канцэпцыя бяспекі

Кіраўнік дзяржавы папрасіў Аляксандра Вальфовіча, каб перад прадстаўленнем новай версіі канцэпцыі нацыянальнай бяспекі яна была прапрацавана такім чынам, каб мела адкрыты характар.
"Не трэба нічога хаваць, зыходзячы з нейкіх палітычных матываў ці нават эканамічных. Мы павінны сумленна прапісаць тыя рызыкі, пагрозы, якія існуюць, і нашу рэакцыю на іх. Каб і суседзі, і іншыя ведалі, як мы будзем рэагаваць", - растлумачыў свой падыход ён.
На яго думку, у падобным выпадку ніхто не скажа, што для яго нешта стала нечаканым. Таму не трэба нічога хаваць, а рабіць усё сумленна.
"Калі мы з Расіяй, значыць, мы з Расіяй. Мы стварылі абаронную прастору, у нас агульныя ўзброеныя сілы фактычна. Дзейнічае рэгіянальная групоўка", - нагадаў Аляксандр Лукашэнка.
Пасля чаго заклікаў яшчэ раз не крытыкаваць беларускі бок за гэта і не рабіць фэйкі, а таксама не выступаць з надзвычайнымі заявамі пра яго і расійскую армію.
"А што тут дзіўнага? Мы даўно аб гэтым заявілі. Ужо, напэўна, гадоў 20, як мы дамовіліся аб гэтым", - асабліва адзначыў беларускі лідар.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Саюзная дзяржава нікому не пагражае - Савет бяспекі Беларусі
Мінабароны: РФ для Беларусі – стратэгічны партнёр у ваеннай палітыцы
РФ у бліжэйшы час перадасць Беларусі комплексы "Искандер М"
Стужка навiн
0