Як павінен праводзіцца асабісты вобыск арыштаваных, вызначылі ў МУС

© Sputnik / Алексей Филиппов / Перайсці ў медыябанкСІЗА, архіўнае фота
СІЗА, архіўнае фота - Sputnik Беларусь, 1920, 02.10.2022
Падпісацца на
НовостиTelegram
У новай рэдакцыі правіл адбывання адміністрацыйнага арышту таксама выкладзены пералік прадметаў, рэчаў і прадуктаў харчавання, якія арыштаваныя могуць захоўваць пры сабе, атрымліваць і адпраўляць.
МІНСК, 2 кас – Sputnik. Міністэрства ўнутраных спраў абнавіла правілы ўнутранага распарадку месцаў адбывання адміністрацыйнага арышту, гэта прадугледжана ведамаснай пастановай №238 ад 14 верасня, якая афіцыйна апублікавана на Нацыянальным прававым інтэрнет-партале.
У прыватнасці, дакументам удакладнены парадак правядзення поўнага асабістага вобыску. Так, пластырныя налепкі, гіпсавыя і іншыя павязкі будуць правярацца разам з медработнікам месца адбыцця адміністрацыйнага арышту. Галаўныя ўборы, абутак, адзенне будуць старанна праглядацца і прамацвацца, "асабліва латкі, швы, каўнер, падкладка адзення".
"Пры выяўленні прадметаў, зашытых у адзенне, тканіна распарваецца. Абутак аглядаецца са знешняга і ўнутранага боку і правяраецца на выгіб", - гаворыцца ў пастанове.
Абутак з супінатарамі і металічнымі набойкамі будуць канфіскоўваць на часовае захоўванне, але пры неабходнасці сваякі змогуць перадаць адміністрацыйна арыштаваным іншы не забаронены правіламі абутак.
Таксама ў новай рэдакцыі выкладзены пералік прадметаў, рэчаў і прадуктаў харчавання, якія арыштаваныя могуць захоўваць пры сабе, атрымліваць і адпраўляць. Цяпер яны змогуць браць з сабой яшчэ і пластмасавую кружку. Але са спіска дазволеных прадметаў выключылі кішэннае люстэрка, наручны ці кішэнны гадзіннік, электракіпяцільнікі.
Што да прадуктаў харчавання, то, як і раней, перадаваць можна толькі тыя прадукты, якія не патрабуюць цеплавой апрацоўкі. Нельга перадаваць прадукты, якія хутка псуюцца і са скончаным тэрмінам захоўвання, а таксама дрожджы, алкагольныя, слабаалкагольныя напоі і піва.
Таксама пералік прадуктаў можа быць абмежаваны па загадзе санітарна-эпідэміялагічнай службы. Агульная вага прадуктаў, якія арыштаваныя могуць захоўваць пры сабе, па-ранейшаму не павінна перавышаць пяці кілаграмаў.
Пастанова ўступае ў сілу пасля яе афіцыйнага апублікавання.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Ці могуць у беларусаў, якія заклікалі да санкцый, канфіскаваць маёмасць?
СК падрыхтаваў матэрыялы для пачатку завочных судоў у дачыненні да "збеглых"
Пратасевіч: тэма Беларусі даўно не цікавіць Захад
Стужка навiн
0