Кароль Вялікабрытаніі прызначыў Сунака прэм’ер-міністрам

© AFP 2024 / AARON CHOWNКароль Вялікабрытаніі Карл III прызначыў Рышы Сунака прэм'ер-міністрам
Кароль Вялікабрытаніі Карл III прызначыў Рышы Сунака прэм'ер-міністрам - Sputnik Беларусь, 1920, 25.10.2022
Падпісацца
Сунак стаў першым прэм’ерам, які быў прызначаны каралём Карлам III, і ўжо трэцім прэм’ерам краіны ў гэтым годзе.
МІНСК, 25 кас – Sputnik. Кароль Вялікабрытаніі Карл III прызначыў кіраўніка Кансерватыўнай партыі Рышы Сунака прэм’ер-міністрам і даручыў яму сфарміраваць урад.
Аўдыенцыя адбылася ў Букінгемскім палацы ў аўторак.
Экс-міністра фінансаў Сунака абралі кіраўніком Кансерватыўнай партыі ў панядзелак. Ён стаў адзіным кандыдатам, які вылучыўся на гэтую пасаду.
Сунак, якому зараз 42 гады, стаў самым маладым прэм’ерам краіны з 1812 года. Пры гэтым ён першы кіраўнік урада, прызначаны Карлам III, і ўжо трэці ў краіне за гэты год.

Нядоўгі тэрмін Трас

Папярэдні прэм’ер-міністр Ліз Трас аб’явіла аб сыходзе ў адстаўку 20 кастрычніка. Гэта быў 45 дзень яе знаходжання на пасадзе лідара кансерватыўнай партыі і прэм’ер-міністра Вялікабрытаніі.
Яе прэм’ерства стала самым кароткім у гісторыі Вялікабрытаніі. Да гэтага рэкардсменам быў прэм’ер XIX стагоддзя Джордж Канінг, які ўзначальваў урад 119 дзён у 1827 годзе.
Нагадаем, Трас змяніла на пасадзе Джонсана, які вымушана пайшоў у адстаўку пасля скандалу, у цэнтры якога апынуўся яго пратэжэ Крыс Пінчар. Яго абвінавацілі ў п’яных сексуальных дамаганнях у адносінах да двух мужчын, пасля чаго ён пайшоў у адстаўку. Таксама падалі ў адстаўку яшчэ 57 членаў урада, які першапачаткова складаўся са 120 чалавек.
Аб адстаўцы Джонсана стала вядома 7 ліпеня, 5 верасня на змену яму была абрана Трас.
Раней у ліку кандыдатаў на пасаду кіраўніка ўрада называліся экс-прэм’ер Барыс Джонсан і лідар палаты абшчын Пені Мордант. Пазней Джонсан заявіў, што не будзе вылучаць сваю кандыдатуру, пасля аналагічную заяву зрабіла і Мордант.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Новым прэм’ерам Вялікабрытаніі стаў Рышы Сунак
Трас аб'явіла аб сваёй адстаўцы
Без сюрпрызаў: Ліз Трас зменіць Барыса Джонсана на пасадзе прэм'ер-міністра
Стужка навiн
0