МЗС Беларусі пацвердзіла факт вандалізму каля пасольства ў Празе
© Посольство Беларуси в Чешской Республике
Падпісацца
Вандалы распылілі фарбу на франтон, агароджу, брамку, вароты і нават перагаворнае ўстройства дыппрадстаўніцтва.
МІНСК, 25 кас – Sputnik. У шэрагу краін Еўрасаюза беларускія дыпламаты знаходзяцца пад пастаянным націскам, пра гэта заявіў афіцыйны прадстаўнік МЗС Беларусі Анатоль Глаз, адказваючы на пытанне Sputnik.
"Сітуацыя, пра якую Вы пытаецеся, сапраўды адбылася ноччу 21 кастрычніка. Быў здзейснены акт вандалізму ў дачыненні да будынка пасольства Беларусі ў Чэхіі, распылена фарба і фарбай заліта агароджа. У выніку была нанесена шкода, сапсавана не толькі франтальная частка агароджы па ўсёй даўжыні, але і металічныя вароты, брамка, перагаворныя прылады, шыльды і г.д.", - сказаў Глаз.
Postříkal běloruskou ambasádu v Praze: Chycen při činu, ihned odsouzenhttps://t.co/7FLo0dY7gK pic.twitter.com/Z3gI2LHyOQ
— PrahaIN.cz (@PrahaIN_CZ) October 24, 2022
Прэс-сакратар МЗС адзначыў, што не пра ўсе такія выпадкі даведваецца грамадскасць.
Галоўнае для ведамства ў гэтых сітуацыях тое, наколькі бок, які прымае, паводзіць сябе прыстойна і выконвае свае абавязацельствы па Венскай канвенцыі.
"Шэраг проста абуральных выпадкаў да гэтага часу застаецца без субстантыўнай рэакцыі", - падкрэсліў прэс-сакратар знешнепалітычнага ведамства.
У Празе, паводле яго слоў, праваахоўнікі спрацавалі аператыўна. Нарад затрымаў злачынца. Матывы і асоба вандала не выдаюцца.
Беларускае МЗС разлічвае, што чэшскія кампетэнтныя органы прымуць усе меры для абароны памяшканняў прадстаўніцтва ад усялякага ўварвання або нанясення шкоды, як гэтага патрабуе арт.22 Венскай канвенцыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Невядомыя ўзарвалі петарду на тэрыторыі пасольства Беларусі ў Рыме
Беларусь і Бельгія абмеркавалі бяспеку пасольства ў Бруселі
У МЗС расказалі, ці ёсць масавы ад'езд еўрапейскіх паслоў з Беларусі
На пасла Расіі ў Польшчы напалі на могілках савецкіх воінаў у Варшаве
Лукашэнка назваў пасольства Беларусі ў Расіі другім урадам
