Кісялёў: супраць Расіі развязана інфармацыйная вайна
10:55 02.11.2022 (абноўлена: 14:59 02.11.2022)
© Sputnik / Григорий Сысоев
/ Падпісацца
Калі, напрыклад, гаварыць праўду аб выбуху еўрапейскіх газаправодаў, то яна будзе на карысць Расіі, таму пра гэта і не гавораць, падкрэсліў Кісялёў.
МІНСК, 2 ліс – Sputnik. Супраць Расіі вядзецца паўнавартасная інфармацыйная вайна, аднак праўда – на нашым баку, заявіў гендырэктар міжнароднай медыягрупы "Россия сегодня" Дзмітрый Кісялёў.
"Проста напрамую, у лоб з намі ваююць усімі магчымымі сродкамі, даступнымі ў інфармацыйных войнах, прычым вынаходзяць новыя. Але нічога не атрымліваецца, таму што на нашым баку праўда, і праўда супраць тых, хто задумаў агрэсію супраць Расіі і практычна супраць усяго свету", - сказаў Кісялёў на адкрыцці медыяфоруму краін СНД "Развитие медиа в меняющемся мире" ў медыяцэнтры "Россия сегодня".
Паводле яго слоў, калі казаць праўду пра выбух еўрапейскіх газаправодаў, то яна "будзе супраць англасаксаў і будзе на карысць Расіі, таму яе і не гавораць". Кісялёў адзначыў, што такая ж сітуацыя і па шэрагу іншых пытанняў.
Ён выказаў упэўненасць, што Расія не прайграе ў інфармацыйных войнах.
"Мы адзіныя, стабільныя, і так і будзем праходзіць гэту дыстанцыю да поўнай перамогі", - падкрэсліў Кісялёў.
Міжнародная медыягрупа "Россия сегодня" пры падтрымцы міністэрства лічбавага развіцця, сувязі і масавых камунікацый РФ выступае арганізатарам форуму.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Форум "Развитие медиа в меняющемся мире" ў Маскве – трансляцыя
Расія стане мацнейшай пасля гэтага крызісу, заявіў Мішусцін
Кісялёў: не згодны з тым, што мы прайграём інфармацыйную вайну
Намеснік старшыні ЕК назвала часовымі санкцыі супраць RT і Sputnik
