СААЗ па-ранейшаму лічыць воспу малпаў НС міжнароднага значэння

© Sputnik / Григорий Сысоев / Перайсці ў медыябанкУ лабараторыі
У лабараторыі - Sputnik Беларусь, 1920, 06.11.2022
Падпісацца на
НовостиTelegram
Па апошніх даных, з пачатку бягучага года ў 109 краінах свету было зарэгістравана больш за 77 тысяч выпадкаў заражэння воспай малпаў.
МІНСК, 6 ліс – Sputnik. Камітэт СААЗ па надзвычайнай сітуацыі, які працуе з сітуацыяй з воспай малпаў, прыйшоў да высновы – успышка дадзенага захворвання па-ранейшаму з’яўляецца надзвычайнай сітуацыяй міжнароднага значэння.
"Камітэт прыйшоў да меркавання, што гэтая падзея працягвае адпавядаць крытэрыям Міжнародных медыка-санітарных правіл для надзвычайнай сітуацыі ў галіне грамадскай аховы здароўя, якая мае міжнароднае значэнне", - гаворыцца ў заяве камітэта.
Там удакладняецца, што ўспышка воспы малпаў уяўляе небяспеку на міжнародным узроўні, а таксама патрабуе сумесных дзеянняў ад дзяржаў для зніжэння наступстваў уздзеяння распаўсюджвання хваробы.
Пры гэтым генеральны дырэктар арганізацыі Тэдрас Адханам Гебрэйесус пагадзіўся з рэкамендацыямі, дадзенымі камітэтам.
Паводле апошняй інфармацыі, з пачатку бягучага года ў 109 краінах свету было зарэгістравана больш за 77 тысяч выпадкаў заражэння воспай малпаў, ад інфекцыі памерлі 36 чалавек. У ліпені СААЗ аб’явіла гэты від воспы НС у галіне аховы здароўя.

Воспа малпаў

Воспа малпаў – гэта рэдкае віруснае заанознае захворванне, перадаецца чалавеку ад жывёл і ад чалавека чалавеку. Сімптомы ў чалавека падобныя да тых, якія ў мінулым назіраліся ў пацыентаў з натуральнай воспай, аднак яны менш сур’ёзныя.
Звычайна людзі, якія заразіліся гэтым вірусам, вылечваюцца за некалькі тыдняў, але ў некаторых бываюць і ўскладненні. Сярод першых сімптомаў воспы малпаў – ліхаманка, галаўны і цягліцавы болі, болі ў спіне, павелічэнне лімфатычных вузлоў, дрыжыкі і знясіленне.
Можа з’явіцца сып, які часцей за ўсё пачынаецца на твары, а потым распаўсюджваецца і на іншыя часткі цела.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Вакцыну супраць воспы малпаў распрацавалі ў Расіі
Наколькі эфектыўныя вакцыны супраць воспы малпаў, распавялі ў СААЗ
ЗША аб’яўляюць надзвычайную сітуацыю з-за распаўсюджвання воспы малпаў
Стужка навiн
0