Камісар расказаў, якія даныя ўдакладняюць ваенкаматы на зборах
© Sputnik / Александр Кряжев
/ Падпісацца
Беларускае абароннае ведамства праводзіць маштабную кампанію па зверцы звестак ваеннаабавязаных, каб абнавіць усю неабходную інфармацыю.
МІНСК, 19 ліс – Sputnik. Ваенныя камісарыяты Мінска праводзяць запланаваныя мерапрыемствы па зверцы звестак ваеннаабавязаных, сказаў намеснік ваеннага камісара Фрунзенскага раёна Сяргей Жаўняк.
Паводле яго слоў, арганізацыі павінны на працягу тыдня прадастаўляць ваенным камісарыятам інфармацыю, калі змяняюцца персанальныя даныя супрацоўнікаў, якія з’яўляюцца ваеннаабавязанымі.
Такой інфармацыяй з’яўляюцца даныя аб змене месца жыхарства, сямейным статусе і працоўным становішчы, а таксама пераводзе на іншую пасаду.
Павестка, смс і званок
"Апавяшчэнне ваеннаабавязанага для яўкі ў камісарыят па месцы жыхарства можа быць зроблена рознымі спосабамі, але асноўны – гэта ўручэнне павесткі. Таксама ваеннаабавязанаму можа паступіць званок з ваеннага камісарыята або можа праводзіцца смс-апавяшчэнне ў інфарматыўнай форме", - сказаў намеснік ваеннага камісара.
Пры гэтым ён звярнуў увагу на той факт, што гэта не нясе за сабой юрыдычнай адказнасці, але свядомым грамадзянам, якія з’яўляюцца ваеннаабавязанымі, трэба з’явіцца ў ваенкамат, каб зверыць звесткі.
Сяргей Жаўняк запэўніў, што сам працэс зверкі звестак займае не больш за 10 хвілін. Апраўдальныя дакументы для работадаўца выдаюцца на месцы на рукі з подпісам і пячаткай.
"Гэта робіцца для таго, каб ваеннаабавязанаму маглі выплаціць яго сярэдні заробак за працоўны час, які ён знаходзіўся ў ваенным камісарыяце", - растлумачыў ён.
Персанальныя даныя вайскоўцаў
Намеснік ваеннага камісара растлумачыў, што правяраюць першыя даныя ваеннаабавязаных, якія даюць магчымасць высветліць наколькі яны неабходны арміі.
"Да персанальных даных воінскага ўліку ваеннаабавязанага адносяцца: ПІБ, дата нараджэння, ідэнтыфікацыйны нумар, даныя аб месцы працы, месца рэгістрацыі, адрас месца жыхарства, таму што чалавек можа не пражываць па месцы рэгістрацыі, удакладненне нумароў дамашняга і мабільнага тэлефонаў, удакладненне ступені прыдатнасці", - піша БелТА.
Пры гэтым намеснік ваеннага камісара дадаў, што нядобрасумленныя арганізацыі маглі не прадставіць даныя, або нешта змянілася ў вайскоўца, а гэта можа негатыўна адбіцца на працы камісарыята.
"Мы, не валодаючы ўсёй паўнатой даных па ваеннаабавязанаму, можам прыняць не заўсёды правільнае рашэнне па кожным асобным ваеннаабавязаным пры правядзенні якіх-небудзь мерапрыемстваў. Гэта работа ў нас планавая, яна праводзіцца для праверкі саміх сябе, у першую чаргу – наколькі мы гатовы, наколькі наш механізм адладжана працуе, наколькі добра мы выконваем сваю работу", - асабліва адзначыў Сяргей Жаўняк.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусь узмацніла меры бяспекі на прыгранічных з Украінай тэрыторыях
Два сумесныя з РФ цэнтры падрыхтоўкі ваеннаслужачых дзейнічаюць у Беларусі
НАТА разглядае варыянты агрэсіі супраць Беларусі і ядзерны ўдар – Лукашэнка
Хрэнін ацаніў небяспеку войск НАТА на мяжы з Беларуссю
Украіна можа нанесці ўдар па Беларусі – Вальфовіч
