Прэм’ер Беларусі накіраваўся з афіцыйным візітам у Іран і Сірыю

© Sputnik / Виктор ТолочкоПрэм’ер-міністр Беларусі Раман Галоўчанка
Прэм’ер-міністр Беларусі Раман Галоўчанка - Sputnik Беларусь, 1920, 22.11.2022
Падпісацца на
НовостиTelegram
Прэм’ер-міністр плануе правесці перагаворы з кіраўніцтвам Ірана і Сірыі, а таксама прыняць удзел у беларуска-іранскім бізнес-форуме.
МІНСК, 22 ліс – Sputnik. Кіраўнік беларускага ўрада Раман Галоўчанка ў аўторак накіраваўся з афіцыйным візітам у Іран і Сірыю, паведаміла прэс-служба Саўміна ў афіцыйным Telegram-канале.
"Праграмай прадугледжаны перагаворы з кіраўніцтвам краін, удзел у беларуска-іранскім бізнес-форуме, а таксама наведванне шэрага прадпрыемстваў", - гаворыцца ў паведамленні.
Акрамя таго, паводле звестак прэс-службы, 24 лістапада прэм’ер з рабочым візітам наведае Сочы, дзе ў яго запланавана сустрэча з губернатарам Краснадарскага краю.

Перагледзець адносіны

У канцы ліпеня гэтага года Раман Галоўчанка на сустрэчы з міністрам прамысловасці, шахт і гандлю Ірана Сеедам Рэза Фатэмі Амінам выказаў меркаванне, што Беларусі і Ірану трэба "па-новаму паглядзець на адносіны".
Паводле яго слоў, гэта неабходна зрабіць, каб умацаваць гандлёва-эканамічныя сувязі паміж дзвюма краінамі. Разам з тым прэм’ер падкрэсліў, што ў Беларусі і Ірана ўжо наладжана вельмі добрае і канструктыўнае ўзаемадзеянне на палітычным узроўні. Пра гэта сведчыць узаемная падтрымка на міжнароднай арэне.
Таксама кіраўнік урада лічыць, што краінам неабходна прыкласці намаганні, каб павялічыць тавараабарот, адкрыць новыя сферы і пашырыць супрацоўніцтва ў галіне высокіх тэхналогій.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусь і Іран павінны разам рэагаваць на эканамічны тэрарызм – Макей
Тавараабарот паміж Беларуссю і Казахстанам вырас – Галоўчанка
Лукашэнка сказаў, калі Беларусь разлічвае атрымаць членства ў ШАС
Стужка навiн
0