КДК прыгразіў "жорсткімі мерамі" бізнесу, калі раптам нешта знікне з паліц

© Sputnik / Владимир Астапкович / Перайсці ў медыябанкМужчына выбірае макароны ў гіпермаркеце
Мужчына выбірае макароны ў гіпермаркеце - Sputnik Беларусь, 1920, 24.11.2022
Падпісацца
Пасля ўвядзення сур’ёзных змен у рэгуляванні цэн, улады патрабуюць нягледзячы ні на што захаваць асартымент тавараў і напоўніць паліцы. Пакупнікі адзначаюць: атрымоўваецца не заўсёды.
МІНСК, 24 ліс – Sputnik. Камітэт дзяржкантролю будзе прымаць жорсткія меры да тых сетак і пастаўшчыкоў, якія не змогуць забяспечыць пастаўкі і захаваць асартымент, заявіў старшыня КДК Васіль Герасімаў.
Ён нагадаў патрабаванні Аляксандра Лукашэнкі: органы ўлады павінны забяспечыць напаўненне паліц у крамах.

"Не дай бог, у нейкай краме нешта знікне. Паверце, я звяртаюся да сетак: што тычыцца камітэта, мы будзем прымаць самыя жорсткія меры. Мы, вядома, сабралі ўсе звесткі, хто скараціў пастаўкі, і з імі разбяромся", – цытуе Васіля Герасімава БелТА.

Ён дадаў, што пасля прыняцця пастаноў праводзілася шмат нарад, збіраліся прапановы, але ў іх – "шмат напускнога", таму што многія хочуць "адкаціцца на папярэдні ўзровень".
"Гэтага не будзе. Калі трэба ўлічыць нейкія аб’ектыўныя рэчы, мы іх улічым. Але сеткі ў гэтым выпадку адказваюць па поўнай праграме", - сурова папярэдзіў старшыня КДК.

Спыненне цэн

Нагадаем, што 6 кастрычніка прэзідэнт Беларусі Аляксандр Лукашэнка даручыў замарозіць цэны. Згодна з распараджэннем, крамы, вытворцы і пастаўшчыкі паслуг не маюць права ўстанаўліваць цэны вышэй, чым тыя, што былі па стане на 5 кастрычніка.
Спачатку ў краіне дзейнічаў цэнавы мараторый. Павышаць цэны можна было толькі з дазволу дзяржорганаў. На гэты конт МАРГ публікаваў тры тлумачэнні для бізнесу і дзяржструктур.
Потым 19 кастрычніка прынялі новы дакумент – пастанову №713, якую ўжо мянялі адзін раз. Напрыклад, прыбралі са спіска тавараў, цэны на якія абмежаваныя, прадметы раскошы і кветкі. Па гэтай пастанове МАРГ публікаваў ужо восем афіцыйных тлумачэнняў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка заклікаў не перажываць за дэфіцыт – пытанне на кантролі
МАРГ растлумачыў, як удалося знізіць інфляцыю ў Беларусі
ЕАБР прагназіруе адкладзены рост цэн у Беларусі
Пенсіянер жыве сціпла: купляе простыя прадукты і адзенне, заявіў Лукашэнка
МАРГ вызначыў пералік тавараў, абавязковых для крам
Стужка навiн
0