Боевая работа САУ Малка артиллерийских подразделений ЦВО на Авдеевском направлении - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Асобы беларусаў, якія паехалі ваяваць за кіеўскі рэжым, устаноўлены – МУС

© Photo : пресс-служба МВД БеларусиІван Кубракоў
Іван Кубракоў - Sputnik Беларусь, 1920, 25.11.2022
Падпісацца
Міністр унутраных спраў адзначыў, што да адказнасці прыцягваюцца і тыя, хто спрабуе ўдакладніць у інтэрнэце, як узяць удзел у баявых дзеяннях.
МІНСК, 25 ліс – Sputnik. МУС Беларусі ўстанавіла асобы 160 грамадзян краіны, якія паехалі ваяваць за кіеўскі рэжым, аб гэтым заявіў міністр унутраных спраў краіны генерал-лейтэнант Іван Кубракоў у эфіры АНТ.
Ён адзначыў, што колькасць 160 – умоўная.
"Гэта 160 асоб, якіх мы ўстанавілі, якія так ці інакш былі замяшаны ў баявых дзеяннях на тэрыторыі Украіны. На самай справе палова разбеглася, хтосьці ўжо загінуў", - сказаў міністр, адзначыўшы, што гэтыя людзі "здрадзілі сваёй Радзіме".
Паводле слоў Кубракова, "Украіна для нас – краіна родная".
"Мы іх устанаўліваем, прыцягваем да адказнасці. І самае галоўнае, прыцягваем да адказнасці тых, хто спрабуе ўдакладніць у інтэрнэце, як прыняць удзел у гэтых баявых дзеяннях", - расказаў кіраўнік МУС. Ён удакладніў, што такія людзі прыцягваюцца да адказнасці, але недзе з імі проста праводзіцца прафілактычныя размовы.

Полк Каліноўскага

Ва Украіне ёсць асобнае фарміраванне – "Полк імя Кастуся Каліноўскага". Ён і падраздзяленні, якія ўваходзяць у яго, прызнаны ў Беларусі экстрэмісцкімі, іх дзейнасць у краіне забаронена.
У дачыненні да стваральнікаў і ўдзельнікаў экстрэмісцкага батальёна беларускіх наёмнікаў ва Украіне Следчым камітэтам узбуджана крымінальная справа.
Раней расійскае абароннае ведамства паведамляла, што з 24 лютага ва Украіну прыехала 208 беларусаў, каб ваяваць на баку УСУ. З іх былі знішчаны 78 чалавек, пакінуў украінскую тэрыторыю 61 беларус.
Кіраўнік беларускай дзяржавы Аляксандр Лукашэнка назваў фарміраванне "полк імя Каліноўскага" пацешным, аднак удакладніў, што там ёсць радыкальна настроеныя баевікі, якія хочуць арганізоўваць дыверсіі ў Беларусі.

Забаронена законам

Раней у КДБ паведамлялі пра затрыманне пяцярых грамадзян краіны, якія спрабавалі далучыцца да экстрэмісцкага фарміравання на тэрыторыі Украіны.
У ведамстве нагадалі, што "ўдзел беларусаў на тэрыторыі замежнай дзяржавы ва ўзброеных фарміраваннях, ва ўзброеных канфліктах, ваенных дзеяннях забаронены крымінальным законам". Любое садзейнічанне экстрэмісцкай дзейнасці цягне крымінальную адказнасць, за гэтыя дзеянні пагражае да шасці гадоў пазбаўлення волі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
CК Беларусі ўзбудзіў крымінальную справу супраць палка імя Каліноўскага
СК РФ агучыў колькасць краін, з якіх ва Украіну з’язджаюцца наёмнікі
Захарава назвала колькасць замежных наёмнікаў ва Украіне
Стужка навiн
0