У Мінску пачаўся завочны суд над Герасіменяй і Апейкіным
10:44 19.12.2022 (абноўлена: 12:44 19.12.2022)
© Sputnik / Виктор Толочко
Падпісацца
Як было абвешчана ў судзе, абвінавачаныя былі апавешчаны належным чынам аб пачатку суда, але ў судовае пасяджэнне не з’явіліся.
МІНСК, 19 сне – Sputnik. Мінскі гарадскі суд пачаў разгляд крымінальнай справы ў дачыненні да Аляксандры Герасімені і Аляксандра Апейкіна, перадае карэспандэнт Sputnik.
Абвінавачаныя ў суд не з’явіліся, у зале суда акрамя суддзі, двух народных засядацеляў, пракурора, адвакатаў, прысутнічаюць дзве грамадзянскія асобы.
Як заявіў пракурор, у дачыненні да Герасімені і Апейкіна заведзена вышуковая справа. Пракурор заявіў хадайніцтва аб далучэнні да матэрыялаў справы даных СК аб тым, што Герасіменя і Апейкін у 2020 годзе пакінулі краіну і больш не вярталіся.
Суд далучыў дадзеныя дакументы да справы і пачаў судовае следства без абвінавачаных.
Герасімене і Апейкіну прад’яўлена абвінавачанне ў закліках да санкцый у дачыненні да Беларусі, а таксама закліках не запрашаць беларускіх спартсменаў на міжнародныя спаборніцтвы.
Санкцыі і іскі
Як вынікае з абвінавачання, якое абвясціў пракурор, Герасіменя і Апейкін у 2020 годзе, аб’яднаўшыся ў злачынную групу, накіравалі ў шэраг міжнародных спартыўных арганізацый заклікі не пускаць беларускіх спартсменаў на міжнародныя спаборніцтвы, перанесці шэраг спартыўных турніраў з Беларусі.
У прыватнасці, Герасіменя і Апейкін накіравалі зварот у Міжнародны алімпійскі камітэт (МАК) аб увядзенні бестэрміновых санкцый у дачыненні да НАК Беларусі, а таксама аб забароне прэзідэнту Беларусі і прэзідэнту НАК прысутнічаць на Алімпійскіх гульнях.
Дзяржаўны абвінаваўца - пракурор аддзела дзяржаўнага абвінавачання ўпраўлення Генеральнай пракуратуры Беларусі Аляксандр Кароль
© Photo : Тамара Беляева
Акрамя гэтага, абвінавачаныя накіравалі заклікі да ФІФА, УЕФА, іншых спартыўных арганізацый адмяніць запланаваныя ў Беларусі статусныя міжнародныя турніры. Таксама абвінавачаныя накіравалі звароты шэрагу буйных спонсараў адмовіцца ад фінансавання спаборніцтваў, якія праводзяцца ў Беларусі.
Як адзначыў пракурор, з-за дзеянняў абвінавачаных шэраг статусных міжнародных турніраў быў адменены.
Як вынікае з абвінавачання, дзеянні Герасімені і Апейкіна нанеслі ўрон у памеры больш за 853 тысячы рублёў.
Сёння грамадзянскі ісцец заявіў іск да Герасімені і Апейкіна ў памеры 200 тысяч еўра за тое, што з-за іх дзеянняў было адменена правядзенне ў Беларусі ЧЕ па веласпорце. Другі грамадзянскі ісцец заявіў грамадзянскі іск у дачыненні да Герасімені і Апейкіна ў памеры каля 85 тысяч еўра.
Пракурор адзначыў, што акрамя ўвядзення санкцый і адмены спартыўных турніраў, Герасіменя і Апейкін заклікалі забараніць беларускім спартсменам выступаць пад дзяржаўным флагам.
Дзяржаўнае абвінавачанне прыйшло да высновы, што дзеянні абвінавачаных накіраваны на прычыненне шкоды нацыянальнай бяспецы Беларусі.
Адмена спаборніцтваў
Як адзначыў пракурор, у прыватнасці, з-за дзеянняў Герасімені і Апейкіна было адменена правядзенне ў Беларусі ЧС па хакеі з шайбай. Як вынікае з матэрыялаў справы, абвінавачаныя накіравалі больш як 300 еўрапейскім дэпутатам звароты, каб яны выступілі за адмену шэрага статусных міжнародных спартыўных спаборніцтваў Беларусі.
У матэрыялах справы ёсць копія паведамлення за подпісам абвінавачаных да Рэне Фазеля на 9 лістах, у якіх яны пераконваюць адмяніць ЧС па хакеі. У лісце згадваюцца прэзідэнт Беларусі, прэзідэнт НАК, вядомы беларускі хакейны функцыянер Дзмітрый Баскаў.
Таксама ў матэрыялах справы змяшчаюцца копіі паведамленняў за подпісам Герасімені і Апейкіна да кіраўніцтва ФІФА і УЕФА з заклікамі прыпыніць фінансаванне Беларускай федэрацыі футбола.
Як было абвешчана ў судзе, абвінавачаныя ў такіх зваротах называлі НАК Беларусі "часткай рэпрэсіўнай машыны".
Частку суда па справе Герасімені і Апейкіна закрылі: пракурор заявіў хадайніцтва. Паводле яго слоў, у другім томе пісьмовых матэрыялаў справы змяшчаюцца матэрыялы пад грыфам ДСК (для службовага карыстання - Sputnik), якія прадастаўлены Камітэтам дзяржбяспекі Беларусі.
Чым вядома Герасіменя
З7-гадовая Герасіменя – адна з самых вядомых, знакамітых і медыйных спартсменак Беларусі, плыўчыху называлі "залатой рыбкай" беларускага спорту вышэйшых дасягненняў.
18 жніўня 2020 года Герасіменя падпісала адкрыты ліст з патрабаваннем прызнаць несапраўднымі выбары прэзідэнта Лукашэнкі.
У кастрычніку 2020 года пакінула Беларусь і ўладкавалася ў Вільнюсе, дзе ўзначаліла беларускі фонд спартыўнай салідарнасці, які ў Беларусі быў прызнаны экстрэмісцкім.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Генпракуратура накіравала ў суд справу Ціханоўскай і Латушкі
Першы завочны суд над збеглымі апазіцыянерамі пачаўся ў Беларусі
Справа аб змове: Вярхоўны суд пакінуў прыгавор ў сіле
Дыскрэдытацыя дзяржавы: у Мінску судзяць экс-журналіста дзяржТБ
Пуціла і Лупаносаў: кіраўнік СК паведаміў прозвішчы новых "завочных" абвінавачаных
