Мінабароны разглядае дзве версіі інцыдэнту з украінскай ракетай

© Telegram / Белорусский силовикЧастка ўкраінскай ракеты
Частка ўкраінскай ракеты - Sputnik Беларусь, 1920, 30.12.2022
Падпісацца на
НовостиTelegram
Напярэдадні беларускія вайскоўцы збілі ў небе над Брэсцкай вобласцю ракету, якая прыляцела з украінскай тэрыторыі.
МІНСК, 30 сне – Sputnik. Міністэрства абароны Беларусі разглядае дзве асноўныя версіі ў сувязі з інцыдэнтам з украінскай ракетай, сказаў начальнік зенітных ракетных войск Кірыл Казанцаў.
Паводле яго слоў, учора ў Іванаўскім раёне сродкамі супрацьпаветранай абароны была знішчана цэль, якая прыляцела з украінскага боку.

"Баявыя разлікі адпрацавалі штатна. Разам з тым, па дадзеным інцыдэнце застаюцца пытанні, і мы разглядаем дзве версіі: ненаўмысны пуск зенітна-кіраванай ракеты ў выглядзе нізкай навучанасці разліку ці няспраўнасць ракеты, або гэта наўмысная правакацыя ўзброеных сіл Украіны", - распавёў высокапастаўлены вайсковец у відэа, размешчаным у Telegram-канале Мінабароны.

СК правядзе экспертныя даследаванне

Супрацоўнікі СК Беларусі забралі з месца падзення ракеты аб’екты, якія маюць значэння для следчай экспертызы, заявіў афіцыйны прадстаўнік ведамства Сяргей Кабаковіч.
"Папярэдне ўстаноўлена, што знойдзеныя абломкі належаць зенітнай кіруемай ракеце С-300", - сказаў ён.
У дзень падзення следчыя праводзілі агляд месца здарэння, апыталі відавочцаў, зафіксавалі следавую карціну.
"Узяты аб’екты, якія маюць значэнне для следства і наступнага правядзення шэрага экспертных даследаванняў", - сказаў афіцыйны прадстаўнік СК. На месцы здарэння акрамя следчых працавалі супрацоўнікі міністэрства абароны і Дзяржаўнага камітэта судовых экспертыз.

Што адбылося

Як паведаміў раней камандзір зенітнага ракетнага дывізіёна, які знішчыў украінскую ракету, паветраная цэль была выяўлена каля дзесяці раніцы 29 снежня. Аб’ект рухаўся з боку Украіны.
Цэль была ўзята на суправаджэнне, ідэнтыфікавана і пасля перасячэння дзяржаўнай мяжы і ўваходу ў паветраную прастору Беларусі была знішчана каля аграгарадка Гарбаха Іванаўскага раёна.
Кіраўнік дзяржавы Аляксандр Лукашэнка быў неадкладна праінфармаваны аб інцыдэнце і даручыў групе ваенных і следчых вывучыць акалічнасці здарэння.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
МЗС Беларусі пракаменціравала інцыдэнт з украінскай ракетай
Мінабароны: украінскую ракету збіла СПА Беларусі
Украінская ракета ўпала на тэрыторыю Беларусі
Лукашэнка не выключае агрэсіі ў дачыненні да Беларусі
Гомельскія пагранічнікі паказалі перахват украінскага дрона
Стужка навiн
0