Адпускныя вырастуць у Беларусі ў 2023 годзе

© Sputnik / Артур Лебедев / Перайсці ў медыябанкНа курорце
На курорце - Sputnik Беларусь, 1920, 31.12.2022
Падпісацца на
НовостиTelegram
На схему разліку выплат да штогадовага працоўнага водпуску паўплывала тое, што ў краіне ўвялі яшчэ адзін непрацоўны дзень.
МІНСК, 31 сне – Sputnik. Выплаты да водпускаў у Беларусі павялічацца ў наступным годзе, вынікае з пастановы Мінпрацы.
"Гэтая пастанова ўступае ў сілу з 1 студзеня 2023 года", - гаворыцца ў дакуменце.
У прыватнасці, пастанова змяншае сярэднямесячную колькасць каляндарных дзён з 29,7 да 29,6. Як растлумачыў старшыня Гомельскай абласной калегіі адвакатаў Аляксей Арцюховіч газеце "Беларусь сегодня", формулу разліку змянілі таму, што ў Беларусі 2 студзеня стала непрацоўным днём, і ў цэлым колькасць такіх дзён вырасла з 9 да 10.
Менавіта таму, як растлумачыў эксперт, памер адпускных павінны павялічыць.
Таксама ў 2023 годзе вырасце базавая стаўка. Гэтую велічыню ўстанаўлівае Саўмін. На яе падставе, з улікам каэфіцыентаў і даплат, фарміруецца заробак бюджэтнікаў. З лістапада 2022 года яна складала 212 беларускіх рублёў. У наступным годзе яе велічыня будзе 228 рублёў.
Памер месячнай мінімальнай заработнай платы таксама зменіцца ў Беларусі з 1 студзеня 2023 года і складзе 554 беларускія рублі. Акрамя таго, нядаўна прэм’ер-міністр рэспублікі Раман Галоўчанка заяўляў, што дакумент аб павышэнні зарплат работнікам бюджэтнай сферы ўжо падрыхтаваны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка заняўся зарплатамі сілавікоў
Зарплаты бюджэтнікаў стануць большымі: базавую стаўку зноў павысяць у Беларусі
Міністэрства аховы здароўя: медыкам у Беларусі паднімуць заробак
Стужка навiн
0