Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

"Крэмль, сустракай": юныя беларусы прыехалі ў Маскву на галоўную ёлку – відэа

Падпісацца на
НовостиTelegram
Пераможцы конкурсу, арганізаванага расійскім пасольствам у Беларусі, атрымалі свой галоўны прыз – паездку ў Маскву – адразу пасля Новага года. Глядзіце на відэа Sputnik, як рабяты збіраліся на вакзале ў Мінску ў прадчуванні прыгод.
Сёння ў дзяцей праграма насычаная: і на Крамлёўскай ёлцы пабываць, і навагоднюю сталіцу паглядзець, і яшчэ шмат чаго цікавага паспець.
А напярэдадні каля цягніка Масква-Мінск тоўпіліся крыху ўсхваляваныя бацькі – усё ж для многіх дзяцей гэта першая "самастойная" паездка. Настаўнікі пералічвалі аднолькавыя жоўтыя шапачкі, ладзілі пераклічку і рассаджваліся разам са сваімі вучнямі, каб да раніцы быць ужо на Беларускім вакзале.
© SputnikШкольнікі з Беларусі адправіліся на Крамлёўскую ёлку
Школьники из Беларуси отправились на Кремлевскую елку - Sputnik Беларусь, 1920, 03.01.2023
Школьнікі з Беларусі адправіліся на Крамлёўскую ёлку
У асобным вагоне, прадстаўленым расійскім бокам, ехалі 35 школьнікаў – пераможцы арганізаванага Пасольствам Расіі ў Беларусі конкурсу "Кремлевская ёлка". Задача была намаляваць лепшы малюнак на тэму "Беларускія школьнікі на Крамлёўскай ёлцы" і напісаць сачыненне "Навагоднія прыгоды беларусаў у Маскве".
Галоўны прыз – паездка ў Маскву на галоўную ёлку краіны. Пераможцы атрымалі запрашэнне ў Крэмль проста з рук расійскага пасла Барыса Грызлова.
"85 рабят бралі ўдзел, пераможцы едуць у Маскву. Але на ёлку трапяць усе дзеці, проста нехта ў гэты ж дзень будзе на галоўнай беларускай ёлцы. Усе чакалі гэтага свята. Праграма вельмі насычаная, дзеці ў прадчуванні", - расказвае дырэктар гімназіі №50 Лола Пахомава.
© SputnikШкольнікі з Беларусі адправіліся на Крамлёўскую ёлку
Школьники из Беларуси отправились на Кремлевскую елку - Sputnik Беларусь, 1920, 03.01.2023
Беларускі бок адправіўся ў Маскву не з пустымі рукамі. Адзін з падарункаў – вялікі шар з арнаментам, у колерах дзяржаўнай сімволікі. Настаўнікі спадзяюцца, што на Крамлёўскай ёлцы ў наступным годзе будзе красавацца такі памятны сувенір з Мінска.
Пакуль чакалі цягнік, дзеці наперабой расказвалі пра свае малюнкі і сачыненні. Усе ўяўлялі сябе на галоўнай ёлцы, натхняліся фатаграфіямі Крамля і славутасцямі расійскай сталіцы – вось што лягло ў аснову твораў і малюнкаў.
"Я намаляваў Крэмль, наш беларускі аўтобус, аднакласнікаў. Я глядзеў карцінкі Крамля. Мне было цікава, як ён выглядае, і я спрабаваў яго намаляваць. Уяўляю, што будзе вельмі цікава і весела", - расказвае Фёдар Варановіч.
© SputnikШкольнікі з Беларусі адправіліся на Крамлёўскую ёлку
Школьники из Беларуси отправились на Кремлевскую елку - Sputnik Беларусь, 1920, 03.01.2023
"А я напісала сваё сачыненне ў самы апошні дзень здачы. Проста ехала ў машыне, глядзела на зімовы лес і натхнілася", - кажа вучаніца 3-га класа Варвара Тачоная.
"Умовы былі цікавыя: трэба было намаляваць малюнак і напісаць сачыненне. Дачка загарэлася, ёй хацелася трапіць на такое цікавае мерапрыемства. Да малюнка рыхтаваліся – дома нават трэніраваліся. І сачыненне рыхтавалі разам", - падзялілася маці Ані Алена Адашчык.
Адразу па прыездзе школьнікаў чакала вялікая экскурсія па навагодняй Маскве. А потым – у Крэмль. Тут не толькі навагодняя праграма і галоўная ёлка, але таксама цікавая праграма. Асабліва дзеці чакаюць паездку ў Зброевую палату: многія ўжо паспелі пачытаць пра музей-скарбніцу. А далей – Паклонная гара і вельмі цікавы гістарычны квэст. Вечарам група школьнікаў ужо адправіцца на цягнік Масква-Мінск.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Мільён агнёў і эмоцый: як свет сустрэў 2023 год
Сэрца баліць: Лукашэнка – пра дзяцей, якія просяць міру пад Новы год
"Дзед цукеркі раздае ды смяецца ў вусы…": вершы пра Новы год
Стужка навiн
0