Больш як у 2 разы: пошліны на вываз нафты панізіліся ў Беларусі

© Sputnik / Виктор ТолочкоТранспарціроўка нафты
Транспарціроўка нафты - Sputnik Беларусь, 1920, 05.01.2023
Падпісацца на
НовостиTelegram
Стаўкі вывазных мытных пошлін пераглядаюцца кожны месяц, у апошні месяц мінулага года яны крыху падраслі.
МІНСК, 5 сту – Sputnik. Улады Беларусі прынялі рашэнне панізіць экспартныя пошліны на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза. Адпаведная пастанова Савета міністраў №970 ад 30 снежня афіцыйна апублікавана на Нацыянальным прававым інтэрнэт-партале ў чацвер.
Такім чынам, з 1 студзеня ўстаноўлены наступныя стаўкі экспартных пошлін:
на сырую нафту, мазут, бітум нафтавы, вазелін і парафін, адпрацаваныя нафтапрадукты – 16,7 долараў за тону (раней 43,3 долара),
на прамагонны бензін – 9,1 долара за тону (раней 23,8 долара),
на таварныя бензіны, дызельнае паліва, лёгкія, сярэднія дыстыляты, бензол, талуол, ксілолы, маслы змазачныя – 5 долараў (раней 12,9 долара).
Нагадаем, што ў маі і чэрвені бягучага года пошліны на вываз нафты таксама паніжаліся, але ў ліпені выраслі. Тады больш чым на 10 долараў быў павялічаны памер экспартнай пошліны на вываз сырой нафты, мазуту, бітуму, вазеліну і парафіну. Што да платы за вываз іншых нафтапрадуктаў, то яна таксама вырасла, але не так адчувальна.
У жніўні, верасні, кастрычніку і лістападзе беларускі ўрад прыняў рашэнне панізіць дадзеныя стаўкі, аднак у снежні яны зноў крыху падняліся.
Раней пасол РФ у Беларусі Барыс Грызлоў гаварыў аб тым, што пытаннем 2023 года з’яўляецца стварэнне агульнага рынку нафты ў Саюзнай дзяржаве. Такая адзіная прастора прадугледжана ў адной з саюзных праграм, узгодненых кіраўнікамі Беларусі і Расіі ў лістападзе 2021 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Казахстан дамовіўся аб транзіце нафты з Беларуссю
У 2023 годзе ў Беларусі здабудуць 1,8 мільёна тон нафты
Расія забароніць пастаўкі нафты па кантрактах са "столлю" цэн – Новак
Беларусь дамовілася аб пастаўках нафты з Расіі на 2023 год
"Беларуснафта" ў 10 разоў нарасціла здабычу ў Заходняй Сібіры
Стужка навiн
0