Работа танков Т-72Б в южном секторе специальной военной операции - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

УСУ працягнулі абстрэлы, нягледзячы на абвешчаны РФ рэжым спынення агню

© Sputnik / Ilia Pitalev / Перайсці ў медыябанкМіна ў двары жылога дома ў пасёлку шахты "Працоўская" ў Данецку
Міна ў двары жылога дома ў пасёлку шахты Працоўская ў Данецку - Sputnik Беларусь, 1920, 06.01.2023
Падпісацца на
НовостиTelegram
Па даручэнні расійскага лідара ў раёне спецаперацыі на 36 гадзін уведзены рэжым цішыні па ўсёй лініі судакранання на Раство – з 12:00 6 студзеня да поўначы 7 студзеня.
МІНСК, 6 сту – Sputnik. Нягледзячы на ​​выкананне расійскімі ўзброенымі сіламі рэжыму спынення агню, УСУ нанеслі некалькі артылерыйскіх удараў па населеных пунктах і пазіцыях ваенных РФ, паведамілі ў прэс-службе Мінабароны Расіі.
Чатыры мінамётныя абстрэлы зафіксаваны на чырвоналіманскім напрамку. Тры артылерыйскіх снарада выпушчаны з украінскіх комплексаў у раёне Балагароўкі ў ЛНР, яшчэ восем – з раёна Новапаўлаўкі Запарожскай вобласці. Расійскія войскі ў адказ агнём падавілі пазіцыі УСУ.

Чарговыя страты

Украінскія ўзброеныя сілы працягваюць несці значныя страты. На асноўных напрамках мінулай ноччу падраздзяленні УСУ спрабавалі атакаваць пазіцыі расійскіх войск і трапілі пад агонь у адказ.
Так, на купянскім напрамку расійскія ваенныя знішчылі больш за 40 украінскіх ваеннаслужачых, адзін танк, дзве баявыя браніраваныя машыны і два аўтамабілі.
На чырвоналіманскім участку авіяцыя і артылерыя УС РФ сумесна нанеслі ўдары па двух штурмавых групах – страты УСУ склалі больш за 60 салдат, тры бронемашыны і чатыры пікапы.
На данецкім напрамку ўкраінская армія страціла да 80 адзінак асабовага складу, а таксама два танкі, тры БМП і пяць аўтамабіляў. На паўднёваданецкім – больш за 50 вайскоўцаў, танк, тры бранірваныя "самаходкі" і тры пікапы.

Праца авіяцыі, ракетчыкаў і артылерыстаў

У раёне Чырвонага Лімана сіламі аператыўна-тактычнай авіяцыі, ракетных войск і артылерыі УС РФ знішчаны пункт кіравання 95-й дэсантна-штурмавой брыгады УСУ.
У раёнах Аўдзееўкі і Рай-Аляксандраўкі ў ДНР знішчаны пускавая ўстаноўка, а таксама радыёлакатар украінскага ЗРК С-300. На агнявой пазіцыі ў раёне пасёлка Перамога ў ДНР знішчана гаўбіца Д-20. У раёне горада Арэхаў Запарожскай вобласці ліквідавана артылерыйская сістэма М-777.
Акрамя таго, расійскія знішчальнікі збілі ўкраінскі Су-25 у раёне Мар’еўкі (ДНР).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Зяленскі адхіліў прапанову Пуціна аб рэжыме перамір’я на Каляды
Пуцін даручыў увесці рэжым спынення агню ў зоне СВА на Каляды
Патрыярх Кірыл заклікаў устанавіць каляднае перамір’е ў зоне СВА
Ваенныя РФ знішчылі звыш 55 экстрэмістаў "батальёна Шэйха Мансура" ў ДНР
УСУ панеслі вялікія страты на Чырвона-Ліманскім напрамку – Мінабароны РФ
Стужка навiн
0