ЖКГ Мінска расказала пра ачыстку сталіцы ад снегу

© Sputnik / Мария АмелинаДворнікі расчышчаюць тратуары ад снегу
Дворнікі расчышчаюць тратуары ад снегу - Sputnik Беларусь, 1920, 10.01.2023
Падпісацца на
НовостиTelegram
Сёння раніцай па паўночна-ўсходняй палове Беларусі чакаецца моцны снег і завіруха, з-за гэтага сіноптыкі аб’явілі аранжавы ўзровень небяспекі.
МІНСК, 10 сту – Sputnik. Камунальныя службы сталіцы з самай раніцы займаюцца ўборкай сталічных двароў ад снегу, паведамілі ў Telegram-канале "ЖКГ Мінск Афіцыйна".
Згодна з прыведзенымі данымі, на ўборцы снегу задзейнічаны 125 адзінак тэхнікі і 1 671 работнік па комплекснай уборцы, рабочыя бягучага рамонту і інжынерна-тэхнічныя работнікі. Усе яны працуюць ва ўзмоцненым рэжыме, адзначаюць у ЖКГ Мінска.
Для барацьбы з галалёдам сталічныя камунальнікі нарыхтавалі 2 315 тон пяску і пясчана-саляной сумесі, а таксама супрацьгалалёдных рэагентаў. На прыдамавых тэрыторыях выстаўлена 6 652 скрыні з пясчана-саляной сумессю. Сумесь і пясок неабходны для апрацоўкі пешаходных зон, лесвіц, тратуараў.
У жыллёва-камунальнай арганізацыі таксама просяць аўтаўладальнікаў не загрувашчваць дваровыя праезды, бо гэта перашкаджае працаваць тэхніцы, і нагадваюць аб неабходнасці ўборкі ад снегу тэрыторыі ў радыусе 1 метра вакол свайго аўто.

Надвор’е ў Мінску і краіне

У аўторак у беларускай сталіцы будзе пераважаць воблачнае надвор’е. Часам у Мінску пройдуць ападкі ў асноўным у выглядзе снегу і мокрага снегу.
Прагназіруецца слабы галалёд, месцамі на дарогах галалёдзіца. Тэмпература паветра складзе –1...–3°C. Вецер паўднёва-ўсходні 5-10 м/с з парывамі да 14 м/с.
У сераду, 11 студзеня, на большай частцы тэрыторыі Беларусі зноў чакаюцца ападкі – снег, мокры снег, па паўднёвым захадзе з дажджом. Па ўсходняй палове краіны будзе слабая завіруха. У чацвер таксама пройдуць кароткачасовыя ападкі ў выглядзе снегу, мокрага снегу і дождж. У асобных раёнах магчымы слабы галалёд, а на дарогах – галалёдзіца.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Зімовая казка ў Царскім Сяле
"Скрыпяць асверы на марозе": зімовыя цуды ў вершах беларускіх класікаў
Пакуль беларускія арлы зімуюць у Грэцыі, іх гнёзды занялі вароны і ястрабы
Стужка навiн
0