Беларусь упершыню дасягнула станоўчага сальда ў гандлі з РФ – Галоўчанка
15:11 12.01.2023 (абноўлена: 12:29 01.03.2023)
© Sputnik / Виктор Толочко
Падпісацца
У папярэднія гады рэспубліка мела адмоўнае сальда ў гандлі з расійскім бокам, якое часам дасягала лічбы ў сем мільярдаў долараў.
МІНСК, 12 сту – Sputnik. Узаемны тавараабарот з Расіяй па выніках 2022 года перавысіць 50 мільярдаў долараў, заявіў прэм’ер-міністр Беларусі Раман Галоўчанка на нарадзе ў Палацы Незалежнасці.
Паводле яго слоў, нягледзячы на санкцыі супраць нашых краін супрацоўніцтва ў розных сферах прадаўжае развівацца і прыносіць свой здабытак.
"Па выніках 11 месяцаў 2022 года дасягнуты гістарычна максімальны аб’ём узаемнага абароту таварамі і паслугамі – 45 мільярдаў долараў. Мяркую, што па выніках 12 месяцаў мы зможам пераадолець планку ў 50 мільярдаў долараў", - цытуе Галоўчанку БелТА.
Кіраўнік урада звярнуў увагу, што рэспубліка ў гандлі з Расіяй упершыню атрымала станоўчае гандлёвае сальда, калі экспарт тавараў і паслуг перасягнуў імпарт.
"У нас заўсёды была з Расіяй адна з галоўных праблем – адмоўнае сальда. Імпартавалі больш, чым прадавалі. І ў некаторыя гады гэта разбежка даходзіла да сямі мільярдаў долараў", - канстатаваў ён.
Галоўчанка нагадаў, што раней даводзілася гандлёвы баланс выраўноўваць за кошт экспарту на рынкі іншых дзяржавы, што было няпроста ва ўмовах сусветнага раздзялення рынкаў. Ён таксама дадаў, што ў гэтым выпадку беларускія прадпрыемствы змаглі актывізавацца на рынку Расіі і асаблівая ўвага была ўдзелена рэгіёнам.
"Работа з кожным рэгіёнам стаіць на асаблівым кантролі ў тым ліку і пасольствы Беларусі ў Расійскай Федэрацыі. Тут сістэма адбудавана. Я ўпэўнены, што ў гэтым годзе яна будзе працаваць гэтак жа", - падсумаваў беларускі прэм’ер.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Саюзныя праграмы рэалізуюцца з адставаннем ад графіка – Лукашэнка
Урад Беларусі адобрыў пагадненне з Расіяй аб канкурэнцыі
Беларусь без заходніх пасрэднікаў будзе гандляваць каліем у Афрыцы і Азіі
Доля імпартазамяшчальнай прадукцыі склала 42,7% у прамысловасці Беларусі
Гэта будзе новы рэкорд: Пуцін назваў лічбы па тавараабароце з Беларуссю
