УС РФ паспяхова наступаюць на Данецкім напрамку – Мінабароны
17:18 12.01.2023 (абноўлена: 12:30 01.03.2023)
© Sputnik / Константин Михальчевский
/ Падпісацца
У Харкаўскай вобласці расійскія вайскоўцы падчас спецаперацыі знішчылі тры "Грады" і амерыканскія артсістэмы, праціўнік нясе шматлікія чалавечыя страты.
МІНСК, 12 сту – Sputnik. Узброеныя сілы РФ у рамках спецыяльнай ваеннай аперацыі працягваюць паспяховыя наступальныя дзеянні на Данецкім напрамку, паведамілі ў Мінабароны Расіі ў чацвер.
"На Данецкім напрамку працягваліся паспяховыя наступальныя дзеянні расійскіх войск. У выніку авіяцыйных удараў і агню артылерыі незваротныя страты праціўніка склалі да 70-ці ўкраінскіх ваеннаслужачых, а таксама адзін танк, тры баявыя браніраваныя машыны і чатыры аўтамабілі", - расказалі ў Мінабароны.
Што да Купянскага і Красналіманскага напрамкаў, то, паводле інфармацыі ведамства, тут праціўнік за суткі страціў больш як 130 ваеннаслужачых забітымі. Удары па падраздзяленнях УСУ наносіліся артылерыяй і вайсковай авіяцыяй. У тым ліку знішчаны пяць дыверсійна-разведвальных груп, шэсць баявых бронемашын і столькі ж пікапаў.
На Паўднёва-Данецкім напрамку УС РФ за суткі ліквідавалі да 30 украінскіх вайскоўцаў і 5 адзінак тэхнікі, дзве баявыя браніраваныя машыны і тры аўтамабілі.
"Грады", амерыканскія гаўбіцы і ўкраінскі Су-25
Акрамя таго, за мінулыя суткі УС РФ падчас контрбатарэйнай барацьбы ліквідавалі тры ўкраінскія баявыя машыны РСЗА "Град" у Харкаўскай вобласці і ДНР, дзве амерыканскія гаўбіцы М777 і М109 і амерыканскую РЛС AN/TPQ-50 у ДНР, паведамілі ў міністэрстве.
У сваю чаргу знішчальная авіяцыя ПКС Расіі ліквідавала ўкраінскі самалёт Су-25 у Данецкай Народнай Рэспубліцы. Сродкамі СПА на тэрыторыі ЛНР і ДНР збіта пяць украінскіх БПЛА. У Запарожжы – тры рэактыўныя снарады сістэм залпавага агню HIMARS і "Альха", дадалі ў Мінабароны.
"Ударамі аператыўна-тактычнай і вайсковай авіяцыі, ракетных войск і артылерыі знішчаны два склады боепрыпасаў УСУ ў раёне горада Запарожжа і ў раёне населенага пункта Новаіванаўка Запарожскай вобласці", - гаворыцца ў зводцы расійскага ваеннага ведамства.
Там адзначаецца, што таксама ліквідаваны 76 артылерыйскіх падраздзяленняў на агнявых пазіцыях, жывая сіла і ваенная тэхніка ў 123 раёнах.
Ваенная спецаперацыя
Нагадаем, Расія пачала ваенную аперацыю ва Украіне 24 лютага. Прэзідэнт Расіі Уладзімір Пуцін назваў яе мэтай "абарону людзей, якія на працягу васьмі гадоў падвяргаюцца здзекам, генацыду з боку кіеўскага рэжыму", а таксама "дэмілітарызацыю і дэнацыфікацыю Украіны".
Усяго, паводле даных Мінабароны РФ на 12 студзеня, з пачатку СВА расійскімі ваеннымі знішчаны 372 самалёты, 200 верталётаў, 2 873 беспілотныя лятальныя апараты, 400 зенітных ракетных комплексаў, 7 486 танкаў і іншых баявых браніраваных машын, 979 баявых гармат палявой артылерыі і мінамётаў, а таксама 8 019 адзінак спецыяльнай ваеннай аўтамабільнай тэхнікі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Савет бяспекі ААН абмяркуе тэму Украіны тройчы за студзень
Салядар блакіраваны, у горадзе баі – Мінабароны Расіі
Пасол Расіі растлумачыў, чым пацвярджаецца ўдзел ЗША ў канфлікце ва Украіне
УСУ панеслі вялікія страты на Чырвона-Ліманскім напрамку – Мінабароны РФ
Масіраваны ракетны ўдар нанеслі УС РФ па аб’ектах Украіны – Мінабароны
