Мінздароўя змяніла правілы вакцынацыі і рэвакцынацыі

© Sputnik / Павел Лисицын / Перайсці ў медыябанкРэвакцынацыя
Рэвакцынацыя - Sputnik Беларусь, 1920, 19.01.2023
Падпісацца
Тактыка вакцынацыі супраць каронавіруса будзе некалькі мяняцца. У дакуменце прапісаны новы падыход да бустэрных прышчэпак і рэвакцынацыі дзяцей.
МІНСК, 19 сту – Sputnik. Парадак правядзення вакцынацыі і рэвакцынацыі супраць каронавіруса змяняецца ў Беларусі, адпаведныя новаўвядзенні прадугледжаны загадам Міністэрства аховы здароўя ад 16 студзеня 2023 года №57.
У дакуменце ўдакладняецца парадак рэвакцынацыі дзяцей ад 5 гадоў. У прыватнасці, прышчапляцца можна любой ухваленай для гэтага вакцынай, з улікам узросту і паказанняў (у Беларусі для дзяцей адобраны кітайскі прэпарат Sinopharm). Можна выкарыстоўваць як першы кампанент, так і другі без чаргавання гэтых кампанентаў. Пры гэтым не важна, які прэпарат прымяняўся раней і папярэднічаў гэтай бустэрнай дозе вакцыны.
Акрамя таго, загадам удакладняецца, што бустэрная прышчэпка ад каронавіруса можа рабіцца кожныя паўгода любым даступным прэпаратам незалежна ад таго, чым пацыент вакцынаваўся і рэвакцынаваўся раней.
Прапісалі ў дакуменце і магчымасць вакцынавацца і ад каронавіруса, і ад іншых інфекцый і вірусаў адначасова, без захавання двухтыднёвага інтэрвалу, калі пры гэтым абодва імуналагічныя прэпараты не з’яўляюцца жывымі вакцынамі (ці калі іншае не прапісана ў інструкцыі да прэпарату).
Раней у парадку вакцынацыі ад Міністэрства аховы здароўя, правілы ўвядзення бустэрнай дозы былі прапісаны больш дэталёва і падрабязна. У прыватнасці, пры рэвакцынацыі рэкамендавалася яшчэ і "правільна спалучаць" паміж сабой асноўны курс вакцынацыі і бустэрны прэпарат.
Па даных Мінздароўя на пачатак снежня мінулага года, у Беларусі ад каронавіруса прышчапіліся 6,638 млн чалавек, з якіх 6,54 млн атрымалі дзве дозы вакцыны. Ахоп адной дозай вакцыны склаў 71,7% ад агульнай колькасці насельніцтва краіны, поўным курсам вакцынацыі ахоплена 70,7% насельніцтва.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Штам каронавіруса "кракен" выяўлены ў Расіі
Пандэмія каронавіруса падышла да канца – Мінздароўя
Кіраўнік СААЗ спадзяецца адмяніць статус пандэміі COVID-19
Стужка навiн
0