Беларусь і Ніжагародская вобласць пабудуюць некалькі сумесных прадпрыемстваў
© Sputnik / Рамиль Ситдиков
/ Падпісацца
Праекты ў галіне перапрацоўкі, экалогіі і харчовай прамысловасці маюць высокі экспартны патэнцыял.
МІНСК, 9 лют – Sputnik. Беларусь і Расія ствараюць новую матрыцу эканамічнай інтэграцыі на рэгіянальным узроўні. Пра гэта расказалі ўдзельнікі прэс-канферэнцыі ў мультымедыйным прэс-цэнтры Sputnik Беларусь.
Кіраўнік Прадстаўніцтва Ніжагародскай вобласці ў Рэспубліцы Беларусь Андрэй Дудкін адзначыў, што рэгіён актыўна супрацоўнічае з беларускімі партнёрамі. Штогод павялічваецца ўзаемны тавараабарот, умацоўваюцца кааперацыйныя сувязі ў машынабудаванні і іншых галінах. Новым этапам развіцця стала ўзаемадзеянне з беларускімі парламентарыямі.
"З мая мінулага года мы вельмі цесна ўзаемадзейнічаем з Палатай прадстаўнікоў Нацыянальнага схода Рэспублікі Беларусь. І самае важнае, што наша прапанова ў такім супрацоўніцтве была адразу падтрымана. Чаму мы пайшлі менавіта такім шляхам? Дэпутаты – гэта тыя людзі, якія непасрэдна прадстаўляюць свае рэгіёны. Яны вельмі добра ведаюць тое, чым жывуць гэтыя рэгіёны, ведаюць эканоміку. Мы сумесна выязджаем у акругі, непасрэдна сустракаемся з партнёрамі арганізацый усіх форм уласнасці", - сказаў Дудкін.
Кіраўнік Прадстаўніцтва Ніжагародскай вобласці ў Рэспубліцы Беларусь Андрэй Дудкін
© Sputnik / Виктор Толочко
Паводле слоў спікера, дзякуючы такой працы ў кароткі час удалося выбудаваць адносіны з прамысловымі прадпрыемствамі, аграпрамысловым комплексам, установамі навукі, культуры і адукацыі.
"Вынік вельмі высокі. Толькі за ліпень-кастрычнік мінулага года ў выніку такіх паездак нашы прадпрыемствы Ніжагародскай вобласці змаглі заключыць дагаворы са сваімі беларускімі калегамі амаль на 3,5 мільярда расійскіх рублёў", - назваў лічбы кіраўнік прадстаўніцтва.
У якасці прыкладу Дудкін прывёў рэалізацыю сумеснага праекта па вытворчасці трамваяў. Завод быў пабудаваны ў рэкордныя тэрміны – менш за год. Сёння трамвай "МіНіН", што расшыфроўваецца, як Мінск – Ніжні Ноўгарад, ужо курсіруе па гарадскіх маршрутах.
"Праграма будзе пашырацца. Размова ідзе аб дзесятках гэтых трамваяў. У перспектыве гэта і электробус, і тралейбус. Намечаны цэлы пакет новых праектаў. За мінулы год па Ніжагародскай вобласці мы дабавілі 200 прадпрыемстваў, якія сталі актыўна працаваць з Рэспублікай Беларусь, заключылі кантракты", - сказаў Дудкін.
Парламентарыі сталі праваднікамі эканомікі
Дэпутат Палаты прадстаўнікоў Нацыянальнага схода Рэспублікі Беларусь, старшыня Пастаяннай камісіі па міжнародных справах Андрэй Савіных адзначыў, што ўмацаванне сувязей паміж рэгіёнамі мае вялікі патэнцыял "рост можа складаць дзесяткі працэнтаў штогод".
Дэпутат Палаты прадстаўнікоў Нацыянальнага схода Рэспублікі Беларусь, старшыня Пастаяннай камісіі па міжнародных справах Андрэй Савіных
© Sputnik / Виктор Толочко
"Толькі па маёй акрузе я бачу прапановы, якія накіраваны ў Ніжагародскую вобласць па будаўніцтве завода па перапрацоўцы старых шын, па стварэнні ўстановак па перапрацоўцы шпал і слупоў электрычных, якія насычаны крэазотам. І вось літаральна нядаўна пачалі абмяркоўваць пытанне нават будаўніцтва малаказаводаў, і стварэнне ліній па вытворчасці сыру і малочных прадуктаў", - сказаў Савіных.
Паводле слоў спікераў, новыя прадпрыемствы запрацуюць ужо ў бліжэйшы час. У цэнтры ўвагі таксама знаходзяцца і пытанні імпартазамяшчэння.
"Мы бачым таксама магчымасць замяшчэння вельмі вялікай колькасці запчастак, кампанентаў, якія цяпер выкарыстоўваюць прадпрыемствы Ніжагародскай вобласці, і якія раней яны імпартавалі з дзяржаў Еўрапейскага Саюза, аналагамі з Рэспублікі Беларусь. Па якасці яны нават будуць лепшыя за замежныя", - сказаў Савіных.
Таксама спікеры адзначылі, што прыняцце рашэння аб запуску рэгулярных авія- і чыгуначных зносін спрыяе развіццю ўнутранага турызму. Ужо сёння аператары прапрацоўваюць узаемавыгадныя праекты.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларусь і Расія актывізуюць кааперацыйныя сувязі паміж рэгіёнамі
РФ поўнасцю закрывае патрэбнасць у малаку з улікам беларускіх паставак
Башкортастан хоча пабудаваць машынабудаўнічы завод разам з Беларуссю
Беларускія кампаніі змогуць лавіць рыбу ў расійскіх водах
Зацверджана пагадненне аб тэхналагічных аперацыях у Саюзнай дзяржаве
