"Не хапала нічога, і сяброў хавалі": успаміны ветэрана Афгана – відэа
© Sputnik
Падпісацца
У Дзень памяці воінаў-інтэрнацыяналістаў сваімі ўспамінамі аб вайне ў Афганістане падзяліўся былы ўдзельнік аперацыі Сяргей Дубінскі. Глядзіце эксклюзіўнае відэа Sputnik.
У сераду 15 лютага на Востраве слёз у Мінску традыцыйна сабраліся ветэраны Афганскай вайны, у гэты дзень у 1989 годзе савецкія войскі былі канчаткова выведзены з Афганістана пасля 9-гадовага канфлікту.
Мітынг з нагоды Дня памяці воінаў-інтэрнацыяналістаў традыцыйна праходзіць на Востраве Мужнасці і Смутку ў Мінску. Аддаць даніну памяці прыйшлі былыя ўдзельнікі аперацыі ў Афганістане і кіраўніцтва горада.
"З Тэрмеза кудысьці нас прызямлілі, адтуль мы праз Саланг, стаялі каля Кабула, а потым пайшлі на поўдзень. У Джэлалабадзе брыгада стаяла 66-я, а мы пайшлі да Пакістана, 11 км ад Пакістана – гэта правінцыя Кунар, Асадабад, вось там да канца вайны мы і стаялі", - расказаў Sputnik адзін з удзельнікаў мітынгу, ветэран Афганскай вайны Сяргей Дубінскі.
Ён быў звольнены ў запас 20 чэрвеня 1981 года, але да гэтага часу памятае ўсё, што прайшоў у Афгане, так, быццам гэта было ўчора. Толькі расказваць падрабязнасці не любіць.
"Ну якія ўспаміны – не хапала нічога і сяброў хавалі. Але тады мы былі маладыя і прыгожыя. Мы і зараз прыгожыя, але не маладыя", - адказаў Дубінскі.
Субяседнік Sputnik таксама падзяліўся меркаваннем аб цяперашняй моладзі і сучасных узброеных канфліктах.
"Як мы тады, 18-гадовыя хлопцы з барадатымі дзядзькамі ваявалі, так і зараз будзе. Вам, моладзь, толькі здаецца, што ўсё вам да аднаго месца. Я вам скажу, прыйдзе ваш час, і вы будзеце таксама, як і мы, ваяваць, абараняць сваю радзіму. Усё гэта будзе, не хвалюйцеся, добрае ў вас пакаленне. А мы вам дапаможам, калі закране", - адзначыў Дубінскі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка: ветэраны афганскай вайны, як ніхто іншы, ведаюць цану міру
Унікальныя фатаграфіі: прыгледзьцеся ў твары людзей, якія прайшлі афганскую вайну
Мэр Брэста паказаў свае афганскія фатаграфіі
