https://bel.sputnik.by/20230220/mus-pavedamla-ab-zatrymann-rekordna-buynoy-party-narkotyka-1072492850.html

МУС паведаміла аб затрыманні рэкордна буйной партыі наркотыкаў

МУС паведаміла аб затрыманні рэкордна буйной партыі наркотыкаў

Sputnik Беларусь

Зламыснікі працавалі на злачынную арганізацыю Scorpion, самую буйную краму, якая дзейнічае як на тэрыторыі Беларусі, так і на тэрыторыі Расіі. 20.02.2023, Sputnik Беларусь

2023-02-20T21:47+0300

2023-02-20T21:47+0300

2023-03-01T17:13+0300

наркотыкі

мус рб

мус

здарэнні

у беларусі

навіны

https://cdnn11.img.sputnik.by/img/07e5/05/06/1047559695_1054:185:2789:1161_1920x0_80_0_0_4d535fd649b687213d9a7eb7fdec4fb9.jpg

МІНСК, 20 лютага – Sputnik. Супрацоўнікі міліцыі выявілі злачынную групу, прадухіліўшы пападанне на чорны рынак амаль 48 кілаграмаў наркотыкаў, заявіў на прэс-канферэнцыі намеснік міністра ўнутраных спраў Беларусі Генадзь Казакевіч, перадае карэспандэнт Sputnik."Гэта складае каля 50 тысяч доз, гэта самая буйная партыя за апошнія гады", - заявіў Казакевіч.Канфіскаваная партыя наркотыкаў на чорным рынку каштуе не менш як два з паловай мільёны долараў, удакладніў Казакевіч.Пры гэтым ён адзначыў, што ўжо затрыманы шэраг падазраваных, галоўная мэта міліцыі - затрыманне арганізатараў гэтай наркаструктуры.Буйная злачынная арганізацыяКазакевіч зазначыў, што фігуранты справы працавалі на злачынную арганізацыю Scorpion, наркашопы якой ёсць не толькі ў Беларусі, але і Расіі. Паводле слоў намесніка міністра, беларуская міліцыя па Scorpion працуе ва ўзаемадзеянні з расійскімі калегамі.Казакевіч зазначыў, што па злачыннай арганізацыі Scorpion ужо расследавана некалькі крымінальных спраў, якія перададзены ў суд, па іх праходзяць не менш як 140 фігурантаў.Казакевіч адзначыў: пакуль затрыманы толькі двое буйных нарказбытчыкаў - 23-гадовы вадзіцель будаўнічай арганізацыі і 24-гадовы беспрацоўны."Яны супрацоўнічаюць са следствам, даюць прызнальныя паказанні", - сказаў намеснік міністра.Пры гэтым ён падкрэсліў, што будуць новыя затрыманні па гэтай справе.У дачыненні да затрыманых узбуджана крымінальная справа за збыт наркотыкаў у складзе арганізаванай групы, ім пагражае да 20 гадоў пазбаўлення волі.Наркотыкі ў тайнікахКазакевіч расказаў, што першы з фігурантаў справы быў затрыманы каля аграгарадка Копці, у яго ў арандаванай машыне было канфіскавана больш за 1,6 кг асабліва небяспечнага псіхатропу. "Потым выйшлі на яго саўдзельніка, жыхара Гродна, які пастаўляў псіхатропы ў Беларусь", - сказаў намеснік міністра."У зробленых імі тайніках знаходзілася 18 кг 4-СМС і 27 кг асабліва небяспечнага рэчыва альфа PVP", - сказаў намеснік міністра.Казакевіч таксама паведаміў, што ў 2022 годзе супрацоўнікамі міліцыі спынена дзейнасць 19 інтэрнэт-магазінаў па продажы наркотыкаў, у студзені 2023 года ліквідаваны ўжо чатыры такія пляцоўкі.Ступеністая іерархіяПрадстаўнік МУС адзначыў, што ў структуры Scorpion, якая пастаўляла наркотыкі не толькі ва ўсе рэгіёны Беларусі, але і ў шэраг абласцей Расіі, устаноўлена ступеністая іерархія."Функцыі паміж удзельнікамі дакладна размеркаваны, выконваецца жорсткая дысцыпліна, прадумана сістэма бяспекі, якая функцыянуе на атрыманыя ад наркабізнесу даходы", - паведаміў намеснік міністра.Паводле яго слоў, затрыманыя працавалі ў сектары продажаў - яны ўжо прайшлі некалькі прыступак у "кар'ернай лесвіцы" дадзенай крымінальнай структуры. Самі затрыманыя не спажывалі наркотыкаў, але адзін з іх мае гульнявую залежнасць, а таксама "картачны" доўг і частку заробленага на наркотыках збіраўся пусціць на тое, каб пагасіць даўгі.Раней затрыманыя да крымінальнай адказнасці не прыцягваліся, удакладніў Казакевіч.Ён таксама асабліва падкрэсліў, што супрацоўнікі наркакантролю пастаянна праводзяць аператыўна-вышуковыя мерапрыемствы, каб устанавіць пастаўшчыкоў псіхатропаў у краіну. "Асноўная мэта - выявіць усіх удзельнікаў злачынных супольнасцяў", - адзначыў намеснік міністра ўнутраных спраў.>>> Хочаце яшчэ больш актуальных і цікавых навін - падпісвайцеся на Telegram-канал Sputnik Беларусь

2023

Навіны

ru_BY

наркотыкі, мус рб, мус, здарэнні, у беларусі, навіны