Больш за 50 прыхільнікаў "Рёдан" затрыманы ў Брэсце

© Sputnik / Виктор ТолочкоСупрацоўнікі міліцыі, архіўнае фота
Супрацоўнікі міліцыі, архіўнае фота - Sputnik Беларусь, 1920, 02.03.2023
Падпісацца на
Прыхільнікі субкультуры збіраліся паблізу ад гандлёвых цэнтраў, асноўная частка затрыманых – непаўналетнія.
МІНСК, 2 сак – Sputnik. Спроба правядзення масавай акцыі прыхільнікаў субкультуры "Рёдан" спынена ў Брэсце, пра гэта паведаміла УУС Брэсцкага аблвыканкама.
Як распавялі ў прэс-службе ведамства, прыхільнікі так званага ПВК "Рёдан" пачалі збірацца каля буйных гандлёвых цэнтраў пасля заклікаў у сацсетках.
Супрацоўнікі міліцыі без ужывання фізічнай сілы затрымалі 52 чалавекі, з іх 41 непаўналетнія.
"У адносінах дастаўленых праводзіцца праверка, іх дзеянням даецца прававая ацэнка", - паведамілі ва УУС.
Тым падлеткам, якім менш за 16 гадоў, пагражае папярэджанне з пастаноўкай на ўлік у інспекцыю па справах непаўналетніх.
Падлеткам, якім больш за 16 гадоў, дадаткова пагражае таксама і адміністрацыйная адказнасць.
Таксама ўстанаўліваюцца асобы, якія маюць дачыненне да арганізацыі незаконнай масавай акцыі.

Затрыманні ў Гомелі

Раней 28 лютага супрацоўнікі міліцыі пры спробе правядзення масавай акцыі з удзелам непаўналетніх у Гомелі затрымалі 200 чалавек, узрост якіх складаў ад 13 да 21 года.
"Устаноўлена, што яны аб’яднаны агульнымі поглядамі і прыналежнасцю да розных маладзёжных субкультур, у тым ліку ПВК "Рёдан" і так званым "каляфутбольным рухам", - расказалі ў СК Беларусі.
Пасля апытанняў затрыманых перадалі бацькам.
Следчы камітэт завёў крымінальную справу па факце арганізацыі дзеянняў, якія груба парушаюць грамадскі парадак. Праваахоўнікі праводзяць следчыя дзеянні і аператыўна-вышуковыя мерапрыемствы, каб устанавіць арганізатараў масавага збору.

Што такое ПВК "Рёдан"

Субкультура ПВК "Рёдан" – новы нефармальны маладзёжны рух аматараў анімэ. Яна атрымала назву ў гонар героя японскай мангі, які з’яўляецца верхаводам банды "Павукі". Удзельнікі руху часта носяць адзенне з сімвалам групоўкі з комікса – павуком, а таксама клятчастыя штаны.
Нефармальная маладзёжная групоўка стала вядома пасля публікацый у Telegram-каналах і сацыяльных сетках відэаролікаў з дэманстрацыяй боек удзельнікаў гэтага аб’яднання з іншымі маладзёжнымі фарміраваннямі. Як правіла, сутычкі адбываюцца ў грамадскіх месцах, у тым ліку – гандлёвых цэнтрах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Людзі на вуліцы горада ў Японіі - Sputnik Беларусь, 1920, 01.03.2023
Эксперт пра "Рёдан": давядзецца знайсці спецыялістаў па японскай субкультуры
Стужка навiн
0